سارة نخلة عن القبلات في السينما: "مقدرش أبوس حد وفيه ناس"

قالت الفنانة سارة نخلة إن الخطوط الحمراء، تختلف من شخص لآخر، ولكل إنسان حدوده، معلنة رفضها لمصطلح السينما النظيفة، وفي نفس الوقت مؤكدة أن السينما تختلف عن الدراما التليفزيونية التي وضع لها المجتمع خطوط حمراء بالفعل.

تابعت سارة نخلة في تصريحات تليفزيونية: "في السينما كما يتطلب الدور، وحسب الحالة، أنا كل سنة أفكاري بتتغير، ومش فاكرة قلت امتى ليس لدي خطوط حمراء، بس مينفعش المشهد اني هعوم في حمام السباحة وخطيبي او جوزي هيضربني ويموتني والبس جلابية لأ، ومينفعش يجيلي دور، أقول حبيت كل حاجة فيه بس المشهد ده مش هعمله، يا تقبلي كل حاجة او لأ".

أضافت سارة نخلة:  "مش بعمل مشهد قبلات أو حضن لأ، عشان كده أنا مش بشتغل سينما، بشتغل دراما بس، اختصرت على نفسي كان فيه حاجات جاتلي وحلوة أوي في وقت كنت متجوزة مش هعرف أعمل ده، معنديش مشكلة في كل ده بس أنا كـ سارة مش هعرف أعمله بتكسف، مقدرش أبوس حد وفيه ناس".