والدة شيرين عبد الوهاب: طردتني أنا وبناتها بعد حفلتها الأخيرة بسبب حسام حبيب
انهارت كريمة أبو زيد والدة النجمة شيرين عبد الوهاب من البكاء ، مطالبة بإنقاذ ابنتها من حسام حبيب طليقها الذى جعلها تدمن وتسبب فى دمارها قائلة" الحقوا بنتي حسام حبيب دمرها وقاعد معاها فى الشقة ليه بعد مع طلقها إزاى".
وتابعت،" أنا مش عايزة أتكلم بس فى حفلتها الأخيرة هو كلمها وخلاها اتنازلت له وبعد ما شربوا مخدرات مع بعض جت طردتني أنا وبناتها ومكنتش فى وعيها وقالت لنا اطلعوا بره ومكنتش فى وعيها"، مضيفه قائلة " حد ينقذ بنتي من حسام حبيب وسارة الطباخ".
وحذر الإعلامى عمرو أديب من انتحار الفنانة شيرين عبد الوهاب قائلا " قلبي معاكى يا شيرين بالمنظر ده احنا ممكن نصحى الصبح مانلاقيش شيرين .. شيرين على حافة الانتحار فى أي وقت.. المشاكل كتير".
وتابع عن شيرين عبد الوهاب،" فين النقابة لازم النقابة تتدخل وتساعدها نفسيا .. شيرين عبد الوهاب إنسانة طيبة جدا وأول مرة طلعت فى حياتها فى التليفزيون كان معايا".
وقال محمد عبد الوهاب ، شقيق النجمة شيرين عبد الوهاب أن حسام حبيب ضحك على شقيقته وجعلها تتعاطى المخدرات ، موضحا أنه أجبرها على دخول المستشفى بعد إدمانها وتعاطيها للمخدرات على أيدي طليقها حسام حبيب وأن كافة التحاليل والأوراق تؤكد أن شقيقته تتعاطى المخدرات.
وتابع فى مداخلة هاتفية مع الإعلامي عمرو أديب ،" والدتى جاتلى وباست على رجلي قالتلى أنقذ أختك رجعت لحسام وبتتعاطى مخدرات روحت جبتها من شقة كانوا فيها فى التجمع وبيتعاطوا مخدرات".
وقال " مش هسيب أختى إلا لما تشفي تمام والتقارير الطبية تؤكد إنها بقت كويسة وتعافت من الإدمان.. ده واحد دمر أختي هو وسارة الطباخ وواقفين قدام المستشفى وجايبين الصحافة علشان يقلبوا الموضوع وسارة الطباخ عمالة تصرخ يا شيرين يا شيرين ومش عايزاها تتعالج".
وأكد إنه لم يضرب شقيقته نهائيا وأن كل ما فعله هو إنه ذهب للشقة التى كانت تتعاطي فيها المخدرات مع حسام حبيب بوجود متخصيين وأطباء لنقلها للمستشفي.
