"لازم ترجع تقف على رجليها".. فنانون يدعمون شيرين عبدالوهاب بعد أزمتها الأخيرة
حرص عدد من الفنانين، على دعم الفنانة شيرين عبدالوهاب وتعاطف معها الكثيربسبب الحالة التي أصبحت عليها، بعد تصريحات شقيقها بإلزامها في أحد المستشفيات لعلاجها من الإدمان.
فنانين تدعم شيرين عبدالوهاب في أزمتها الأخيرة:
علقت الفنانة نشوى مصطفى علبر صفحتها على الفيسبوك قائلة: "يا عيني عليكي يا شيرين، يا عيني عليكي يا بنتي، إيه اللي بيحصلك ده، يا وجع القلب، ليه الفضايح".
وقالت الفنانة وفاء عامر:" للأسف شيرين ملقتش قلب من الي حواليها يحبهاولا حتي قلبها لازم هي الي ترجع وتقف علي رجليها بنفسها ساعتها حتبقي أقوي بكتير يا رب فك كربها".
كتب تامر حسين عبر حسابه الرسمي على موقع التواصل الاجتماعي “فيسبوك”: “أصعب وأقسىّ حاجه على فنان كبير وموهبة كبيرة بجد".
وتابع:" لما تكون أخباره السلبية وحياته الشخصية ومشاكله متصدره وطاغية على فنه اللى المفروض يبقى مُتفرغ له تماماً وخسارة كبيرة..ربنا يسترنا جميعاً ويعافى أى حد من أى إبتلاء الواحد بيحزن والله م اللى بيشوفه وبيسمعه".
غضب الفنان نور محمود بعد تصريحات شقيق شيرين عبدالوهاب وعلق قائلا: “هو مفيش حد في كل الدايرة المحيطة بشيرين بيحبها بجد ؟؟؟!!!، يعني إيه واحدة تتعد من المواهب الأصيلة في البلد تتلطش يمين وشمال من كل اللي حواليها، وتضرب وتتبهدل وتتفضح علي كل القنوات والصفحات بحجة انهم عايزين مصلحتها وفي الآخر تترمي في مستشفى”.
وأضاف:" زي ما يكونش ليها راجل واحد أو أي حد يقف يدافع عنها، غلطت؟؟؟، ماشي بس مايكونش التمن إنها تتمرمط كدة، الست دي بتنتهي، وموهبتها هتتدفن، يارب تلحقوها".
وحرصت راندا البحيري، على مشاركة فيديو عبر حسابها الشخصي بموقع التواصل الاجتماعي “فيسبوك”، حيث قالت: “أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل اليوم ده.. كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها.. ده مش حقها لأنها بتاعتنا بتاعة المصريين”.
وخلال الفيديو إنهارت الفنانة راندا البحيري": ليه ده أنا هتمنع اسمع صوت شيرين تاني.. قعدت أقول يارب يطلع الكلام ده مش صح.. أنا دلوقتي بتمنى أن انتي تكوني عارفة غلاوتك ومقدارك عند الناس، لأن من الواضح أنتي متعرفيش خالص.. أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان تعيش في الدنيا".
وتابعت راندا البحيري:"حُب الناس حاجة كبيرة جدًا تخلي الواحد مبسوط، ويقدر يقف قدام مرض وأي حاجة وحشه وتزعل على زعلها..أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل..هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك".
والدة شيرين عبد الوهاب: طردتني أنا وبناتها بعد حفلتها الأخيرة بسبب حسام حبيب
انهارت كريمة أبو زيد والدة النجمة شيرين عبدالوهاب من البكاء ، مطالبة بإنقاذ ابنتها من حسام حبيب طليقها الذى جعلها تدمن وتسبب فى دمارها قائلة" الحقوا بنتي حسام حبيب دمرها وقاعد معاها فى الشقة ليه بعد مع طلقها إزاى".
وتابعت،" أنا مش عايزة أتكلم بس فى حفلتها الأخيرة هو كلمها وخلاها اتنازلت له وبعد ما شربوا مخدرات مع بعض جت طردتني أنا وبناتها ومكنتش فى وعيها وقالت لنا اطلعوا بره ومكنتش فى وعيها"، مضيفه قائلة " حد ينقذ بنتي من حسام حبيب وسارة الطباخ".
وحذر الإعلامى عمرو أديب من انتحار الفنانة شيرين عبدالوهاب قائلا " قلبي معاكى يا شيرين بالمنظر ده احنا ممكن نصحى الصبح مانلاقيش شيرين .. شيرين على حافة الانتحار فى أي وقت.. المشاكل كتير".
وتابع عن شيرين عبدالوهاب،" فين النقابة لازم النقابة تتدخل وتساعدها نفسيا .. شيرين عبد الوهاب إنسانة طيبة جدا وأول مرة طلعت فى حياتها فى التليفزيون كان معايا".
