إيناس عز الدين لشيرين عبدالوهاب: عايزة ألطش فيكي بكل قوتي علشان تفوقي
دعمت الفنانة إيناس عز الدين، زميلتها الفنانة شيرين عبدالوهاب بعد الأزمة التي مرت بها شيرين خلال الساعات الماضية بعد إجبارها لدخول أحد المستشفيات النفسية .
إيناس عز الدين لشيرين عبدالوهاب: عايزة ألطش فيه بكل قوتي علشان تفوق
وقالت إيناس عز الدين على صفحتها على الفيسبوك :" شيرين انا بحبها لدرجة اني نفسي أمسكها و افضل ألطش فيها بكل قوتي لحد ما تفوق وترجع لنفسها واجعة قلبي باللي بتعمله في نفسها و باللي بيعمله اللي حواليها فيها كانت محتاجة حاجة و ناقصاها و عايزة تعيشها"
وتابعت:" حسام إستغل ده فيها و داس بكل ما فيه من قوة و هدمها فنياً و معنوياً و نفسياً و كمان صحياً الضعف و الإحتياج المعنوي هما الوسيلة اللي شيرين اتأذت بسببهم .. كفاياكم جلد و تقطيع فيها ربنا ما يكتب عليكم اللي هي فيه وينتقم من اللي كان السبب".
وقامت إيناس عز الدين بنشر تعليق أخر تظهر أفعال الشخص مع الشخص الذي يحبه :" اللي بيحب حد مش هيدمره اللي بيحب حد مش هيبتزه عاطفياً اللي بيحب حد مش هيقبل يكسره ولا يشوفه مكسور اللي بيحب حد مش ممكن يهدم مكانته ولا يهزها اللي بيحب حد عمره ما هيقدر يشوف دموع في عين حبيبه و وجع قلبه بسببه".
أضافت: "اللي بيحب حد مش هيضعفه ولا هيستغل ضعفه لصالحه اللي بيحب حد مش هيشوفه بينتهي وبينهي مسيرته و يقف يتفرج اللي بيحب حد مش هيشوف اللي بيحبه على حافة الإن-تحار اللي بيحب حد مش هيبعده عن أهله اللي هما أقرب الناس ليه و دمهم دمه اللي بيحب حد مش هيحبسه جوه قفص ويمتلكه لنفسه و يفضل يلعب بيه زي العروسة اللي بخيط كل إنسان بيستغل حب إنسان لصالحه يبقى مش بيحبه ".
انهارت كريمة أبو زيد والدة النجمة شيرين عبدالوهاب من البكاء ، مطالبة بإنقاذ ابنتها من حسام حبيب طليقها الذى جعلها تدمن وتسبب فى دمارها قائلة" الحقوا بنتي حسام حبيب دمرها وقاعد معاها فى الشقة ليه بعد مع طلقها إزاى".
وتابعت،" أنا مش عايزة أتكلم بس فى حفلتها الأخيرة هو كلمها وخلاها اتنازلت له وبعد ما شربوا مخدرات مع بعض جت طردتني أنا وبناتها ومكنتش فى وعيها وقالت لنا اطلعوا بره ومكنتش فى وعيها"، مضيفه قائلة " حد ينقذ بنتي من حسام حبيب وسارة الطباخ".
وحذر الإعلامى عمرو أديب من انتحار الفنانة شيرين عبدالوهاب قائلا " قلبي معاكى يا شيرين بالمنظر ده احنا ممكن نصحى الصبح مانلاقيش شيرين .. شيرين على حافة الانتحار فى أي وقت.. المشاكل كتير".
