علاء مرسي: أنا من أعظم الممثلين في العالم

أكد الفنان علاء مرسي أنه أضر بمسيرته الفنية كممثل بسبب ظهوره في العديد من الأفلام مجاملة لأصدقائه، وذلك خلال حلوله ضيفا في برنامج "واحد من الناس" من تقديم الإعلامي عمرو الليثي.

وأشار علاء مرسي إلى أنه يعتبر التمثيل مهنة لا تعرف الوفاء، موضحا: "بنشوف العديد من أستاذتنا اللي بتذهب عنهم الأضواء وهم بيعانوا من عدم السؤال، ودي معرفش حلها إيه".

وتابع: "النحت خلاني ماليش سعر ورخص موهبتي، والنحت أنك تقبل أي حاجة عشان أقرب قرشين وتشتغل، وأنك تجامل صاحبك اللي عايزك تقف معاه وخلاص، مش شرط اسمك يتحط فين، 50% من شغلي نحت".

وأكد علاء مرسي: "أنا بموهبتي بما أنعمه الله علي من إبداع، من أعظم الممثلين موهبة على مستوى العالم، أنا عندي موهبة عظيمة أعلمها، وده مش تعالي ولا أنا بتفاخر، أنا بقول إن عندي موهبة".

وأردف: "لكن فكرة إني أخد الملايين مش شرط، لأن دي تجارة، أنا ممكن أبقى من أعظم الممثلين لكن ماليش سعر، ودي الشغلانة، في نجم يبيع وفي ممثل عظيم يمثل".

وأضاف علاء مرسي: "في نجوم مابتعرفش تمثل، معندوش موهبة ونجم كبير جدا، بس هو ربنا مديله الحتة دي، من النجوم اللي من وجهة نظري موهوب حضورا وذكاءا واختيارات بقوة، أحمد حلمي، ذكاء عظيم في اختياراته".