بهزر معاه بس قلبت جد وضربني.. ننشر اعترافات "عروسة الإسماعيلية"
استدعت النيابة العامة "عروسة الإسماعيلية" لسماع أقوالها والتحقيق معها بعدما أقدمت علي تقديم بلاغ ضد زوجها تتهمه فيه بضربها وحبسها لمدة 15 يوماً.
بهزر معاه بس قلبت جد وضربني.. ننشر اعترافات "عروسة الإسماعيلية"
قالت "عروسة الإسماعيلية" خلال التحقيقات أنها تدعى مها تبلغ 20 سنة تعمل ربة منزل :"اللي حصل إن أنا قاعدة مع جوزي عبدالله بشقتي في بيت عيلة، وكنا قاعدين بنتكلم ونهزر مع بعض وبعدين الهزار قلب جد وهو ضربني على وشي وإداني بوکس في عيني الشمال ونزل عليا ضرب".
وتابعت أمام جهات التحقيقات عند سؤالها عن رد فعلها بعد أن قام زوجها بضربها علي وجهها:" أنا لما اتعورت حاولت أنزل وطلعت في الشارع وبعدين هو مسکني ودخلني جوه البيت ودخلني في شقة أخوه مروان في الدور الأول، وحبسني هناك 15 يوم، وكان كل يوم بيضربني لما كان بييجي هو ومروان أخوه".
وأضافت مها عروس الإسماعيلية: "والدي عرف لما لقي تليفوني مقفول وكان جاي يزورني فأنا سمعت صوته في الشارع وهو بينادي على عبدالله، فأنا طلعت من الشباك وقلتله الحقني فقالي فيه إيه؟ فقلتله عبدالله حبسني وضربني وبهدلني وحاجزني في البيت ومش عايزني أنزل، فراح والدي راح القسم عشان يبلغ، واتواصلنا مع الصحفية أسماء خليلوهي جاتلي عند البيت وقالتلي انتي عايزة تتصالحي مع جوزك ولا تتطلقي؟.. فقلتلها أنا عايزة أطلق وعايزة أنزل من هنا" .
واستكملت : "الصحفية ساعدتني واتفقت معاهم إن أنا أنزل أروح بيت أهلي وجوزي وافق ونزل وصلني لحد العربية ورحت على بيت والدي وتاني يوم أنا روحت القسم عشان أعمل محضر، وعرفت هناك إنه عامل فيا محضر إني نزلت من البيت بدون علمه، وسرقت حاجات بتاعته وأخدت الدهب وهو ده كل اللي حصل".
