بسمة: شكلي اتغير في 10 سنين وشكلنا بالمكياج مختلف

كشفت  الفنانة  بسمة أن الكثرين يعرفونها  من صوتها قبل ملامحها  قائلة : مش سر  إحنا شكلنا بالمكياج   مختلف عن  بدونه  وكتير بدخل أماكن  عامة  الناس بتشبه علينا وتقول  شبه  بسمة  وعشان كده  بيعرفوني من صوتي "

وحول تغير اللوك  في مسلسل " طير بينا ياقلبي  تابعت في  لقاء خلال " برنامج " كلمة أخيرة  " الذي تقدمه الاعلامية لميس الحديدي على شاشة  ON:"شكلنا بيتغير أكيد من عشر سنوات  فاتت وكمان الشعر   ولما بنقف في المراية بلاقي الشكل متغير  أما سيكولوجيا   أو  مادياً أو ملموس  سواء أوجاعنا بتظهر على وشنا  أو تجاربنا وده طبيعي   شكلنا يتغير "

وحول  عمليات التجميل ورغبتها في تغيير شكلها قالت :  فيه حاجات في شكلي عمري ماكنت راضية عنها  زي سناني لانها حادة ومعوجة  وممكن  تعور وأنا باكل و وحاولت أعمل  شيء تجميلي فيها لكن لم اكمل في نصف الطريق وقلت ليه أغيرها دلوقتي  ماأكيد وانا كبيرة   كبيرة ممكن تقع هركب طقم سنان  "
وحول حبها لتناول الطعام رغم رشاقتها  قالت : من ضمن التغيرات في الشكل وزني زادة 10 كيلو جرام خلال عشر سنوات وده  غير في شكلي    برضه لكن بحاول احافظ على  حد معين لايمكن تجاوزه لما بقف على الميزان  وبضطر اققفل بقي   أربعة أشهر مثلاً عشان أخسر مازاد من وزني خاصة أن جزء من شغلي وعملي هو الشكل ولازم أحافظ عليه برضه  خاصة أن طبيعة شغلنا بنخلص  تصويرنا في وقت متأخر ويمكن يلخبط  مواعيد الطعام وممكن   يلخبط الوزن "

وحول ممارستها للرياضة قالت : " مش بعرف أمارس الرياضة غير المشي والعجل مش بعرف  أعمل زي الفنانات الي بيصوروا نفسهم في الجيم وبيمارسوا الرياضة وبقلهم ربنا معاكم "

ورداً على سؤال الحديدي   : هل تخافي من التقدم في العمر ؟  أـجابت قائلة : "مش بخاف من السن  كتقدم في العمر وماهو  يصاحبه من علامات لاني بعتبرها فصل جديد في الحياة لكن أخاف من السن أني أكون معتمدة على حد غيري مهما كان هو مين  والافكار المرتبطة بالمرض    لكن لايقلقني وجود خط حول الشفاه أو  خطوط حول العين   مع تقدم السن صحيح ممكن نحاربه وده طبيعي  لكن برضه كل خط من هذه الخطوط  تعكس تكشيرة أو إبتسامة ليها ذكرى معايا في يوم من الايام  لكن في النهاية لست ضد عمليات التجميل المهم أن يكون الشخص راضي عن نفسه."

وإنتقدت تعامل السوشيال ميديا مع تقدم السن  بين الرجال والنساء قائلة : "  فيه ناس لما بتشوف الرجالة شعرهم   أبيض  بيقولوا  وقار  ولكن الست شعرها أبيض يبقى خلاص  عجزت وإنتهت "

ولفتت إلى أنها تتلقى تعليقات مزعجة على التواصل الاجتماعي قائلة :  كتير  شفت ده   ولكن أكثر مايضايقني  التعليقات المتعلقة بحياتي الشخصية  وبرفضها  وبعضها  بيتحدث عن شكلي وافكاري ولبسي لكن     بحب الرد عليهم بالصمت لان الناس دي عهاوةزة تستفزك   عشان تتحول لخناقة ثم تريند  وده مابحبوش