والد حسام حبيب يهاجم نجله: "ضيعت نفسك وضيعت البنت معاك"
قام والد حسام حبيب بتكذيب نجله بعد تصريحاته أمس مع عمرو أديب عن طليقته الفنانة شيرين عبدالوهاب خلال برنامج "الحكاية "أنه كان يمتلك أموال أكثر منها رغم مسيرته الفنية القليلة وأنها كانت بتتسرق من أهلها.
والد حسام حبيب يهاجم نجله: "ضيعت نفسك وضيعت البنت معاك"
وكتب حسين حبيب عبر صفحته على الفيسبوك قائلا:" أنت بتقول أنك عمرك ما أخدت منها فلوس وأهلها عايشين على قفاها وإنك ما بتشتغلش أربع سنين كنت عايش على قفا مين وهي قالت لي يا بابا أنا عايز اتجوز راجل يصرف عليا وقلتله عايزك تشتغل وتصرف على بيتك علشان تكبر في مظر مراتك وتحترمك".
وتابع:" الحب وحده لا يكفي أخدت منى مليون جنيه علان تشطب فيلتك وما تعيش في بيت مراتك وها اردهملك ومن ساعة ما اتطلقت وأنا بصرف عليك ورايح تقول لعمر أديب أنك كنت أغني منها ".
وقال حسين حبيب والد الفنان حسام حبيب "قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل".
ووجه حسين حبيب رسالة لابنه قائلا: "إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك".
وواصل: "هو ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمة حق لوجه الله، والدين النصيحة".
وأضاف والد حسام حبيب في منشور آخر: "إنت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، إنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، إسأل أبوك يقولك تقول إيه".
واختتم والد حسام حبيب: “هي قالت لي يابابا أنا عايزه أتجوز راجل يصرف عليا وقلتله عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، اخدت مني مليون جنيه عشان تشطب فيلتك وما تعيش في بيت مراتك وها اردهملك.. ومن ساعة ما اتطلقت، وأنا بصرف عليك ورايح تقول لعمرو أديب وتهاجمني لتاني مره أنك ماتعرفنيش من 14سنه.. ما بتعرفنيش إلا للمصلحة وعشان تاخد فلوس وما دخلتش بيتى سبع سنين، وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه بطل حجج وخليك راجل.. أنت فعلا مش تربيتي أنت تربية واحدة ست طلعت من بيت مامي على بيت مراتك يا أخي عرتنا".
تحدث والد حسام حبيب عن علاقة نجله بالمنتجة سارة الطباخ، والتي تصدر اسمها حديث المواقع والسوشيال ميديا، بعدما قال محمد عبد الوهاب شقيق الفنانة شيرين عبد الوهاب أن “الطباخ” اتفقت مع حسام حبيب على شقيقته ووصفهما بـ"العصابة".
وقال والد حسام حبيب في تصريحات خاصة لـ"مصر تايمز"، أن وجود ابنه أمام المستشفى التي تمكث بها شيرين عبدالوهاب في الوقت الحالي بدل على أنها يحبها ويحاول الحفاظ عليها.
وتابع والد حسام حبيب:" هو لسه بيحبها والحب وحش هو اللي عمل فيه كده أما عن علاقته مع المنتجة سارة الطباخ يعتبر أصدقاء وهي سيدة متزوجة وشخصية محترمة جدا إنسانة راقية جدا وغنية لا تحتاج لحسام ولا شيرين وسارة الطباخ إتصالحت مع شيرين عبدالوهاب خلاص".
