صاحبة مقولة "الراجل ملوش لازمة": اللي بتفكر في الجواز عايزة حد يصرف عليها

واقعة غريبة، ضجت بها وسائل التواصل الاجتماعي بعدما خرجت ديانا، صاحبة الـ 36 عامًا، عبر السوشيال ميديا لتعلن أن الرجل ليس له قيمة في حياة المرأة، وأنه يمكن للسيدة العيش منفردة، بدون رجل في حياتها، حيث أقامت حفل زفاف لها بدون عريس.

وقالت ديانا، خلال لقائها مع الإعلامية نهال طايل ببرنامج تفاصيل المذاع عبر قناة صدى البلد 2، إن السيدة التي تفكر في الزواج تبحث عن رجل من أجل الإنفاق عليها، مضيفة: بنتي أولى بكل حاجة، وحاليًا مش شايفة إن ممكن راجل يدخل حياتي يضيفلي حاجة.

وتابعت: أنا عاملة مملكة لنفسي لوحدي أنا وبنتي، وربنا مبيديش الإنسان كل حاجة؛ ورزقي في إني معايا بنتي، وشغلي، وبقيت توب المحلة في مجالي، ومعايا راتبي وشغلي؛ وبقيت ملكة نفسي، ولازم الست تبقى قوية ومتوقفش حياتها على وجود الراجل، ولازم تشتغل وتنجح، وتكون قوية بفضل ربنا.

واستطردت: عاملة خصم بمناسبة عيد ميلادي على الباكدجات في شغلي، وعاملة خصم لأي واحدة هتطلق لغاية آخر شهر أكتوبر الجاري، هعملها ديكور حفل الطلاق ببلاش كادوه مني لها؛ وفيه ناس لما بتطلق بتحس إنها شمّت نفسها؛ كأنها كانت في سجن وخرجت منه؛ من حقها تفرح، وحفلة الطلاق هتأذي مين؟، والرجالة مش زي بعضها، وبرضو الستات؟.