مرتضى منصور يهاجم أحمد دياب: "أنت مليونير ومش حاسس بالناس الغلابة"

فتح مرتضى منصور رئيس نادي الزمالك النار على أحمد دياب رئيس رابطة الأندية ، بعد رفضه مقترح مجلس الزمالك بتخفيض قيمة أسعار تذاكر دخول المباريات لجماهير الفارس الأبيض إلى 20 جنيه.

مرتضى منصور يهاجم أحمد دياب: "أنت مليونير ومش حاسس بالناس الغلابة"

وقال مرتضى منصور في تصريحات لقناة "الزمالك"، "أنت علشان مليونير ومعاك فلوس أنت والناس اللي معاك مش حاسيين بالناس الغلابة، أنت بتقول مينفعش علشان فى جزء من فلوس التذكرة، بتروح علشان الصيانة، أمال انا بدفع 150 الف جنيه عن كل مباراة ليه، وده العرض الجديد بعد ما كان المبلغ 75 ألف جنيه".

وأضاف مرتضى منصور، "هو في عقد بينا ينص على أن سعر التذكرة يبقى 75 جنيه، أنا هخلي سعر التذكرة بـ 20 جنيه وده قرار نهائي، مش من حق أحمد دياب يعترض على قرار تخفيض سعر التذكرة لأن مفيش عقد ينص على أن سعر التذكرة يبقى بـ 75 جنيه، أحمد دياب كاره أن يفرح البسطاء ويساندون الزمالك لأنه ملياردير هو وأصدقائه".

وكان أحمد دياب، رئيس رابطة الأندية المصرية المحترفة، أوضح في وقت سابق أنه لا يمكن تخفيض أسعار تذاكر المباريات، لأن التذكرة تغطي تكاليف كثيرة.

وقال أحمد دياب، "من الصعب تخفيض أسعار تذاكر المباريات، لأن سعر التذكرة يشمل عدة أشياء".وأضاف "بدأنا الموسم الماضي بـ100 جنيه كسعر للتذكرة، والآن سعرها 75 جنيهًا فقط، وهذا المبلغ يغطي تكلفة تأمين المباراة، وصيانة الملاعب، ورسوم تطبيق تذكرتي الإلكتروني، وضرائب ورسوم أخرى".