صفوة: كنت بشتغل رقاصة عشان أصرف على جوزي وفي النهاية لبسني قضية
قالت الفنانة صفوة خلال حلولها ضيفة ببرنامج "نص الكلام" الذي تقدمه الإعلامية راغدة شلهوب بقناة "النهار"، إنها انفصلت عن زوجها الثاني بسبب رغبته في عدم عملها كراقصة واتطلقت منه مقابل عدم إخبار أهلها بأنها تعمل راقصة.
وتابعت صفوة: “اتجوزت زوجي الثالث وكنت بشتغل علشان أجيب له فلوس، وهو ده اللي كان يهمه ويشغله، وكنت بصحى من النوم على الحمام وأعمل كوافير وماكيير وألبس وأطلع من الشقة على الرقص، وأرجع البيت مش شايفة وأفطر وأنام”.
أضافت صفوة: "والبودي جارد بتوعي كانوا إخواته والسواق أخوه وأخته المسئولة عن اللي شغالين في البيت، وإخواته الباقيين كانوا بيتناوبوا علينا، وكان عليا شبكة طول الوقت وعرفت بعد كده إني هبلة وعبيطة وكان بيستغلني علشان الفلوس، وبسببه لبست قضية ضرائب ودخلت القفص مع 14 واحد لو شوفت واحد منهم بره ممكن يغمى عليا، ولكن ضربات قلبي كان يسمعها اللي على باب المحكمة".
