سماح أنور لـ"شيرين عبدالوهاب" اسمعي صوتك في وسط الوجع والألم بيقولك هتقومي

وجهت الفنانة سماح أنور، رسالة دعم لـ المطربة شيرين عبد الوهاب بعد أزمتها الأخيرة التي تمر بها حاليا واحتجازها في أحدى مستشفيات الأمراض النفسية.

ونشرت سماح أنور صورة لشيرين عبر حسابها بموقع التواصل الاجتماعي “فيس بوك”، قائلة: "عايزة أعرفك على إنسانة بتعشق إنك اتولدتي، أكتر واحدة فرحت بيكي وعندها كمية كلام وأحلام وإلهام مش هتصدقيها، وهتعوزي مليون عمر على عمرك علشان تكفيها، عايزاكي مش بس تقابليها، لا نفسي كمان إنك تعينيها الإنسانة الوحيدة اللي طول عمرها في ضهرك، هي اللي بتسندك في البكا وفي الفرح، في النصرة وفي الانكسار، في الصحة وفي المرض، في النجاح وحتى الفشل".

وأضافت سماح أنور: "ماتنسيهاش وما تهينيهاش ثقي فيها حني عليها، اسمعي بكاها وخديها في حضنك وحافظي أوي، دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا، دي الوحيدة اللي عمرها ماسابتك ولا خذلتك، اسمها شيرين عبد الوهاب برضه، خللي بالك عليها، واسمعي كده في وسط كل الألم والزعيق والدوشة.. صوتها الهادي الواطي البسيط بيقولك كلمة واحدة صداها في قلوبنا، اسمعي كده.. قالت إيه؟.. هتقومي".