سهير جودة: تنصح الستات بطريقة التعامل مع ازواجهم في فترة كأس العالم

طالبت الإعلامية سهير جودة، الستات بمنح أزواجهم حرية بمشاهدة مباريات كأس العالم التي انطلقت مساء اليوم في قطر، بمباراة الافتتاح بين الاكوادور وقطر، قائلة: لو الراجل قرر انه يتفرج في البيت متخلهوش يندم.

وأضافت سهير في برنامجها الذي يحمل اسم الستات، قائلة: الست اللي بتشجع كورة اكيد هيكون عندها نفس الحماس والتشجيع اللي عند جوزها وهتشاركه في مشاهدة المباريات، لكن الست اللي ملهاش في الكورة تبقى ست كمل، وتاخد الامر على سبيل العطاء، وتقدر اهتماماته، وزي ما بتحبيه تحبي كل حاجة هو بيحبها، وتشاركيه في صمت، لانه هيبقى متوحد مع الاحداث والماتش، اديله مساحته وخليه هو النجم، وبلاش تكسري متعة قعدته في البيت.

وأشارت سهير: بلاش اسئلة، زي هو يعني ايه افسايد، وليه محمد صلاح مش بيلعب، وحاولي تسعديه، والانسان بيحب الكورة بشكل جنوني بسبب أن الكورة بتحقق النجلح والفوز اللي دايما بيتمناه الانسان، والكورة اللي هيتلعب بيها في كأس العالم صناعة مصرية.