سهير جودة: اهانة الاخرين عن طريق الهزار هو عدم ثقة بالنفس
قالت الإعلامية سهير جودة، إن فكرة "ابو العريف او ام العريف" تأتي لأننا ندعي المعرفة بشكل مستمر، سواء كان عن علم او سيطرة أو فضول، أو أيا ما كان المسمى الوصفي لها، مشيرة أن استخدام كلمة "أنا" طوال الوقت تدل على عدم الثقة بالنفس، "مينفعش نحط نفسنا في منصب الحكم دايما ونعتبر نفسنا اللي بنفهم طول الوقت، واننا اصل المعرفة".
سهير جودة: بعض الكلمات قبور فعلا والكلمة بتلزق بجد
وأضافت سهير خلال برنامجها الذي يحمل اسم الستات،والذي تقدمه بصبحة الإعلامية مفيدة شيحة قائلة: في قاعدة شهيرة بتقول ان من قال لا ادري فقد افتى، فكلمة لا ادري افضل كثيرا من كلمة لو كنت مكانك كنت عملت كل حاجة، احنا مش مكان الاخرين عشان نقيم أدائهم.
وتابعت: بهزر؛ كل شوية حد يجرحك بكلمة وفي الاخر يقولك أنا بهزر، أنا مكنتش بتكلم بجد، لو سخرت من حد وقولته انك بتهزر ده معناه أنك بتعكس الشئ اللي جواك، وده إن دل على شئ فهو مش حاجة حلوة، لأن مينفعش نسخر من الناس ونرجع نقول اصل كنت بهزر.
وأشارت سهير جودة: لما يحصل اي موقف وتقول كلمة مسيئة وتهين حد، فبيبقى اي كلام بعدها يعتبر إهانة، انت هتقوله انا مقصدش اهينك، فكل هذه الكلمات إهانة، وتساوي أنك عديم الثقة بنفسك، ولازم تبقى عارف ازاي تتعامل مع الاخرين بشكل انساني، ولازم ناخد بالنا من الكلمة اللي بنقولها، لأنها بوابة التعامل، والكلمة بتلزق فعلا، وبعض الكلمات قبور مثل ما بعضها نور.
