"طول عمري مظلوم وأدعولي ربنا يسامحني".. شاب يترك رسالة مؤثرة قبل انتحاره بالإسكندرية

ترك شاب يدعى سامح محمد بالإسكندرية رسالة مؤثرة قبل أن يتخلص من حياته، ويقفز من نافذة منزله، حيث كتب عبر صفحته الشخصية بموقع التواصل الاجتماعي فيسبوك: “أدعولي ربنا يسامحني.. أنا مبقتش قادر أتحمل أكتر من كده”.

وأضاف سامح في رسالته التي احتوت على عدة ملفات لأبحاث علمية وتقارير: “أنا طمعان في مغفرة ربنا ثم في دعائكم وشفاعتكم ليا.. يارب أنا حاولت استحمل لآخر لحظة ممكنة وأنت عالم بده.. فاغفر لي فأنا عبدك الضعيف”.

وأوصى الشاب أصدقاءه بحضور جنازته وعدم نسيان الدعاء له والتصدق على روحه ولو بشق تمرة كل شهر، قائلا: “متبطلوش صدقات جارية على روحي ولو بجنيه.. وأي علم طلعته بفضل من الله لحد يستمر في تعليمه لغيره ويوصيه أمانة يكمل صدقة جارية على روحي”. 

ووجه الشاب سامح في رسالته نصيحة لأحبائه: "احضنوا بعض يا جماعة الحضن مش حاجة رفاهية...
أحضوا بعض معنويا قبل جسديا.. وعيش فالدنيا كإنك لوحدك، معاك ربنا بس، متعملش حسابك ان حد جنبك واولهم اهلك عشان لو اتغير معاك هتتصدم صدمة عمرك".

وقال في رسالته كلمات وضحت كسرت قلبه ووجعه: “أنا كنت بتعالج عند طبيب نفسي.. أزاى فيه طبيب نفسي واصلًا حرام يتقال عليه دكتور وهو محمد شريف سالم  أوعوا تروحوا له وللي شبهه زي سها اللي في سبورتينج علي شارع بور سعيد وهما حكموا عليا منغير ما يسمعوا ليا فيه حد يقول لمريضه ”عايز تموت نفسك روح.. ويقوله أنت مش مريض نفسي ولا جسدي و فنفس الوقت كاتبله 7 برشامات فاليوم لمدة 3 شهور تقريبا".
 

واختتم رسالته بالإفصاح عن حالته مؤخرًا : " أنا مريض حالته النفسية متأخرة.. وملاقاش معاه غير ضله ومش مسامح اي حد فاللي حالي دا وصله.. انتوا السبب في الانتحار.. واحد زيي عاش مظلوم و يوم ما يموت يموت حرام.. أنا أسف لو ضايقت حد  ".