"احترموا مهنتكم".. عمرو محمود ياسين يهاجم الصحفيين بسبب صاحب واقعة الكشري
حرص الفنان عمرو محمود ياسين، على توجيه رسالة شديدة اللهجة للعاملين في مهنة الصحافة، بسبب تسليطهم الضوء على عامل النظافة صاحب واقعة كشري التحرير بشكل مستمر.
"احترموا مهنتكم".. عمرو محمود ياسين يهاجم الصحفيين بسبب صاحب واقعة الكشري
كتب عمرو محمود ياسين على حسابه الرسمي بموقع التواصل الإجتماعي "فيسبوك": “أنا سؤالي لكل صحفية وصحفي شاب بيطلع يجري ورا الأخ بتاع واقعة الكشري وبيجروا معاه حوارات بالساعة انتوا مش مكسوفين يا جماعة من نفسكم؟ بجد انتوا حاسين انكم عادي؟ مش زعلانين على نفسكم وعلى مهنتكم؟ الراجل مش عليه اي غلط لان انتوا اللي بتجروا وراه و عايزين تسجلوا معاه هيقول لأ؟".
وتابع حديثه: "حتى لو كانت حوارتكم واسئلتكم هجوم عليه و تريقة ده لا يعفيكم من الخطأ ولا ينجيكم من هذا العار الذي تلصقوه بمهنة عريقة وعظيمة ..عيب احترموا مهنتكم شوية واحترموا المجتمع احترموا الناس اللي بتفرجوهم ع المحتوى المجنون المخجل ده ..انتوا المسؤولين .. انتوا بس ..مش هو".
