تحذيرات من التعامل مع شركة أورانج: أسوأ خدمة عملاء
حذر عدد من المواطنين من التعامل مع شركة أورانج وخدمة عملائها واصفين موظفي الشركة بأنهم يستهترون بالعميل ووقته.
وقال أحد المواطنين فى شكوي له " رحت الفرع انا و شخص تاني عشان انقل ملكيه الخط باسمي ا/ دينا الموظفه خلصت الإجراءات و طلبت مني مبلغ 90 ج و ان دي تكلفه نقل ملكيه الخط، دفعت الفلوس و قالتلي ان الشركه نزلتلك خط هديه ع بطاقتك ولازم تسلمه.. بعد جدال شويه واني مش عاوز خطوط تاني من الشركه قالتلي خده و اديه لاي حد .. شرحتلها ان دي مسؤليه عليا قالتلي اختار شخص موثوق! زميلها قالها خلاص سيبيه لما لاقي اني مصمم مستلمش الهديه عد حد قولها. .مشيت و بعدها بساعه لاقتها بتتصل عاوزه صور البطاقه ! اللي هي كانت ف ايدها و صورتها ف الفرع .. مش مشكله بعتلها صور البطاقه و قمت متصل بخدمة العملاء افهم ايه اللي بيحصل لانها موضحتش غير انها عاوزه اصل البطاقه و كل اللي جه ف دماغني انها هتسجل خط تاني باسمي بدون علمي.. نص ساعة ع التليفون عشان حد يجاوب ع كام هي تكلفه نقل الملكيه و اذا كانت سجلت خطوط تاني باسمي ولا لاء.
وتابع "بعد نص ساعه ممثله خدمه العملاء قالت ان التكلفه 3 ج فقط و سجلت شكوي لاسترداد المبلغ و مينفعش تقولي كام خط متسجل باسمي لازم الفرع و فجاه قالتلي ف تحديث ف البيانات فا يا تقفل يا احول المكالمه..جالي النهارده تليفون من ا/ معتز بيقولي ان ده خطأ نتيجه ضغط الشغل و اتوجه للفرع استلم الفلوس طلبت من الموظف اني أكلمه ف وقت تاني لاني كنت نايم .. رفض و قالي انا بلغتك بحل المشكه و هققل الشكوي ع كده.. مكنش في اي نوع من انواع الضغط نهائي حرفيا كنا لوحدنا ف الفرع و ادينا الموظفه كل الحريه ف انها تقوم بشغلها.. مطلوب مني ك عميل اتحمل الخطأ ع حد قوله و اسيب اللي ورايا و اتوجه لنفس الفرع لاسترداد المبلغ و مفيش اي حل تاني مع ان 3 ج ل 90 ج مش قريبين من بعض عشان يلخبطوا موظف اورانج!مش مصدق والله ان ده مستوي ناس شغالين ف شركه المفروض انها محترمة".
وقالت مواطنة آخر يفى شكوتها ،" رحت يوم 6/15 فرع من فروع اورنج اغير شريحتين ل 4G والبنت طلبت البطاقه واتاكدت من كل بياناتهم وبالفعل استلمت الشريحتين ومشيت بعد يوم بالظبط تقريبا لقيت الخط اتوقف فجأه !! اتصلت بخدمة العملاء افهم ليه الخط اتوقف كان ردهم الخط مش باسمك يافندم !! نعم الي هو ازاي حضرتك وانا مغيره شريحتين مش واحده والبنت اتاكدت من كل البيانات وع اساس دا طلعتلي الشريحه 4G لا معرفش يا فندم حضرتك اعملي شكوي ! طيب حضرتك اعمل شكوي ف مين ولا اقول ايه انا عميل ورحت طلبت خدمه وبالفعل اتعملت ليه الخط يتسحب مني تاني يوم والاقيه شغال مع حد تاني !!! دي كانت الصدمه بقي حاولت افهم اكتر منه طيب حضرتك البنت ينفع تتطلعلي شريحه 4G والخط مش باسمي قالي لا قولتله حلو يعني دا مش تقصير من الفرع ولا البنت عشان اعمل فيها شكوي !!؟">
وتابعت" المهم وكالعاده معرفتش اوصل منهم لاي حل وكان ردهم اني اعمل شكوي بالي حصل تمام عملت شكوي من شهر6 لحد وقتنا دا مفيش اي جديد وبتابع معاهم كل كام يوم ورحت فرع غير الفرع اصلاً واذ اتفاجئ ان كل الموظفين الي هناك مش قادرين يوصلو لايه الي حصل بالظبط ع السيستم وان الخط ازاي مبقاش باسمي دا غير ان عندهم الخط طبعا باين انه كان باسمي قبل م يبقي باسم الشخص الجديد!!! طيب حضرتك فهمني دا يعني ايه ؟! يرد يقولي والله انا هتجنن السيستم قدامي مش باين عليه اي حاجه نقدر نوصل بيها مين الي عمل كدا !؟ طيب حضرتك هو ينفع حد ينقل ملكيه من غير م صاحب الخط يكون موجود وبعلمه !! قالي لا طبعا مستحيل لازم يبقي موجود هو والشخص التاني !! تمام انا بقي خطي ازاي اتنقلت ملكيته لحد تاني بدون علمي ؟؟؟؟؟؟ والله يافندم انا مش عارف اقولك ايه بس فعلاً الي عمل كدا خافي اي معلومات تقدر نوصله بيها !! وهنا الصدمه شركه بحجم اورانج يحصل جواها كدا استهتار واستخفاف بالعميل للدرجادي ؟! طيب فين المصداقيه وازاي يحصل التلاعب دا جوا شركه بالحجم دا مبقتش مصدقه والله ازاي شركه المفروض انها محترمه ويحصل جواها كدا ويبقي ف موموظفين زي دول جوا الشركه ازاي ؟؟؟؟؟
وتابعت عن مشكلتها مع شركة أورانج "فضلت معاهم من شهر 6 وكل يوم بنتابع الشكوي يا فندم وبندرسها وبلا بلا بلا ….واخر حاجه قالو اعملي شكوي ف للجهاز القومي للاتصالات احنا معندناش حل ؟؟!!!!!!!!! شركه بحجم اورانج متبقاش عارفه توصل لحل ف مشكله جواها دي كارثه ؟؟
