مطالبات بمنع حفل سعد لمجرد في مصر للمرة الثالثة

يواجه المطرب سعد لمجرد حملات لمنعه من إحياء حفل في مصر مجددا، بسبب أزمته الشهيرة واتهامه في 3 قضايا اغتصاب.

وعلى الرغم من أن سعد لمجرد لم يروج لحفله الذي من المقرر أن يحييه في أحد أماكن السهر بشرم الشيخ، لكن الصفحات المهتمة بقضايا المرأة بدأت حملة لإلغاء الحفل.

وبدأت صفحة Speak up حملة للمطالبة بمنع سعد لمجرد من الغناء في مصر وكتبوا: واضح أن سعد لمجرد مصمم يحاول يدخل مصر بأي طريقة، حتى لو هيروح يغني في حفلة على الضيق في nightclub في شرم الشيخ من غير ما يعمل دعاية عنها أو يعلن عنها بنفسه عشان ما تتكنسلش!"

أضافت: "وده طبعا بسبب أن في مصر الحفلة بتاعته اتلغت في 2020، وكذلك الحلقة بتاعته اتمنعت من العرض في 2021، وحتى لما طلع في انترفيو يتكلم عن أنه مستعد يروح حفلات في مصر لو الناس عايزاه، الناس اعترضت في الكومنتات واتمسح الانترڤيو.

وتابعت: امبارح Taj Mahal Sharm اعلنوا عن حفلة لـ سعد لمجرد (المتهم في قضايا إغتصـاب وعنـف جنسي) يوم 29 ديسمبر ومن ساعتها بيمسحوا كومنتات الناس اللي بتعترض كـ عادة أي حد بيحاول يستضيف سعد. وبعدها كالعادة برضه قفلوا الكومنتات لما لقوا العدد كبير! لو الرسالة ما كانتش وصلت الـ3 مرات اللي فاتوا:فـ إحنا مش عايزين نستضيف متهم بقضايا اغتصـاب بالجملة في بلدنا، ومش قابلين أن النماذج دي يتعملها حفلات عندنا ويتعمل منهم أبطال كأن التعـدي على الستـات واغتصابهم شيء عادي وملوش عواقب.