رانيا يوسف: "بحب ربنا لكن مش بخاف منه"
قالت الفنانة رانيا يوسف أن البعض يفهمها بطريقة غير صحيحة، ويتم نقل كلامها بشكل خاطئ في الإعلام، مشيرة إلى أن نيتها دائما طيبة ولا تفكر بشكل سيء .
وقالت رانيا يوسف في تصريحات تليفزيونية: مش بكذب خالص مش بعرف أكذب، أنا بحب ربنا لكن مش بخاف منه وعلشان بحبه مش بحب أكذب ومعنديش أني أخاف من البشر هما طول الوقت عاوزني أني أقول اللي هما عايزين يسمعوه، بجاوب على الأسئلة من قلبي، مبعرفش أجامل ومش محتاجة أعمل كده علشان أكسب الناس أخسر نفسي.
في سياق منفصل، قالت الفنانة رانيا يوسف أنها لا تهتم بارتداء الملابس باهظة الثمن أو من علامات تجارية شهيرة، كما إنها ترتدي ملابس باهظة الثمن إذا كانت تحضر حدثا مهما، لكن في حياتها العادية ترتدي ملابس رخيصة.
وتابعت رانيا يوسف: “أنا مش صريفة، لما يبقى عندي حدث مهم ولازم ألبس كويس لكن كتير بلبس رخيص وزي ما بيقولوا القالب غالب ودي ثقة في النفس مش غرور، أنا شغالة على نفسي وبروح الجيم”.
جدير بالذكر أن الفنانة رانيا يوسف تشارك في بطولة فيلم "التاروت" مع الفنانة سمية الخشاب والفنانة ناهد السباعي، وفيلم "ملك" تأليف وإخراج أيمن الرفاعي.
