زيزي عادل عن الفن: الأغاني حرام والشغلانة كلها حرام
قالت المطربة المعتزلة زيزي عادل عن تجربتها فى المشاركة بالبرنامج الشهير ستار أكاديمي ، إنه لو عاد بها الزمن لن تشارك فى هذه التجربة قائلة " ستار أكاديمي فكرته ضد تقاليدنا وبدون أي احترام لخصوصياتنا دي الحمامات كان فيها كاميرات".
وتابعت فى لقاء لها مع الإعلامية ياسمين عز حول سبب اعتزالها الغناء ،" السبب الرئيسي في اعتزالي إحساسي إني مش مستعدة أقابل ربنا.. فيه حاجات غلط بتحصل في الفن والأغاني حرام والحفلات والشغلانة كلها حرام".
وقالت زيزي عادل: قالوا إني اتجوزت داعية وهو اللي أقنعني أعتزل وأنا معرفش ليه بيجوزوني كتير كدا، ودي بشرة خير ويا رب أتجوز بس دا مكنش حقيقي والاعتزال مكنش ليه علاقة بالارتباط أو الجواز.
وواصلت زيزي عادل: قرار اعتزالي من عند الله، وحسيت كأنه بعتلي وقالي سيبي الفن وحاجة بتحصل بدون وصف وكأن ربنا بيقولي كفاية هزار تعالي بقى ونعمل للي جاي، ومش صح الست تتحجب عشان زوج لأنه هيكون عن عدم اقتناع.
