سيدة تهاجم مسابقة أبو هشيمة بعد سرقة تصميم خاص بها
هاجمت إحدي السيدات ، مسابقة رجل الأعمال أحمد أبو هشيمة للمشروعات الناشئة بعد تجاهل شكوتها من سرقة إحدي المتسابقات لمشروعها.
سيدة تهاجم مسابقة أبو هشيمة بعد سرقة تصميم خاص بها
وقالت السيدة،"عندي مشكلة مع إحدي المتسابقات في منحة ابوهشيمة وبعت للقائمين علي المسابقة اكتر من مرة محدش رد عليه ولا اهتم رغم أني باعته دلائل عليها ... انا بصنع شيالات ergonomic بتاخد مني بحث وشغل وفلوس كتير في العينات لحد ما أنفذها لأن مفيش زايها في مصر ، موجودة برة فقط وانا بحاول اصنعها في مصر علي قد ما أقدر بنفس المواصفات وكنت بتابع مع متخصصين أجانب لحد ما اتعلمت ، والمتسابقة دي بدأت بعدي بفترة كنت كل ما أنزل نوع جديد تقلده بس مكنتش بهتم بيها عشان كانت بتنفذهم غلط لأني زي ماقولت تصنيع الموديل بياخد شغل وتجارب كتير لحد العينة ما تطلع مظبوطة و الموديل يطلع للنور .. من قريب عميلة طلبت أوردر بشيالتين منهم نوع كنت لسة منزلاه من شهر وبعد البحث اكتشفت انها صاحبتها و اللي استلمت هي هبة دي وبعتت صاحبتها عشان ما يتكشفتش أنها اخدتهم تقلدهم لأنها مشتركة في مسابقة Startup Power Competition وعايزة تكسب ".
وتابعت عن مسابقة أبو هشيمة للمشروعات الناشئة،" تقليد موديل عينته جاهزة ومتجربة أسهل بكتير جدا من تقليد موديل مش متشاف بعت للصفحة محدش اهتم وبعت رسايل بالفويسات اللي عملتها مع المندوب بصوتها ورقم تليفونها متسجل علي الترووكولر باسمها ولا اهتموا وكأنها عافية المتسابقين بتوعنا مبدعين وشاطرين ومش عاجبك اخبطي دماغك في الحيطة ..مش فاهمة لحد إمتي ناس تاخد تعب ومجهود غيرها ويعملوا نفسهم أبطال ويلاقوا إللي يدعمهم كمان !!".
