سهير جودة: في كتب كتاب للحياة زي كتب الكتاب الديني
قالت الإعلامية سهير جودة، إن كل إنسان مختلف عن غيره دائما ولا يوجد تشابه بين الأشخاص، فمن الممكن أن تلتقي بشريك حياتك ذات طباع مختلفة عنك، لكن لا بد من وجود تفاهم، مشيرة: في ناس مختلفين بيبقى اختلافهم سر قوتهم، يعني مش لازم نبقى شبه بعض على فكرة، في ناس مختلفين بيبقى اختلافهم سر قوتهم، يعني مش لازم نبقة شبع بعض على فكرة، لو احنا مختلفين عن بعض ممكن نبقى اقوى واحلى في العلاقة بكتير جدا، لكن مهم جدا ان احنا الطرفين نبقى مستوعبين.
هنخلف امتى دة سؤال لازم الطرفين يكونوا متفقين عليه من قبل الجواز
وأضافت سهير في تصريحات تليفزيونية، قائلة: المشكلة بتحصل في الاجيال الجديدة اللي عندها صحاب ولاد وهو عنده صحاب بنات، وممكن الصاحب الاقرب ليه من الجنس الثاني، هل الشريك متفهم هذا الأمر فعلا ويتقبله وعنده من الوعي والنضج والنفسية السوية الطبيعية ان يكون فاهم نوعية العلاقة دي ولا لأ، لأن دي مشكلة كبيرة.
وأشارت سهير جودة: هنخلف امتى، دة سؤال لازم الطرفين يكونوا متفقين عليه من قبل الجواز بلاش نخدع بعض، فكرة ان احنا منكذبش ومنتجملش مهمة، وخلينا نعتبر ان دة ميثاق، زي ما في كتب كتاب ديني بيكتبه المأذون في برضو كتب كتاب للحياة، لازم يكون في صدق ووضوح شفافية، تبدو تفاصيل بسيطة لكن كل جزء فيها هو حقيقة كبيرة وهو كارثة كبيرة لو متفقناش عليها، لو كذبنا على بعض فيها.
وأوضحت سهير: متختاروش ناس تلبسوهم زي ما انتو تحبوا، او على حسب ذوقكم في اللبس، انت او انتي بتختاري من الاول الشكل الخارجي، لو انت هترتبط بواحدة ولبسها مش مناسب بالنسبالك متقربش، ولو انتي هترتبطي بواحد لبسه وشكله مش مناسبين متقربيش، دي حاجات مهمة جدا قبل الجواز، لازم يبقى فيها مناقشات طبيعية بصدق.
وتابعت: وكمان اللبس جزء من اسلوب الاحتياجات الاجتماعية والاصحاب والحدود، ومهم جدا ان احنا نعرف لغاية فين بنحب الاجتماعيات والخروج، وأمتى بنحب الهدوء والعزلة، الموضوعات دي احنا ممكن نشوفها عادية لكنها اكثر من مهمة، لأن دي القناعات بتاعتنا اللي بتتفرض علينا في حياتنا، هي اللي ممكن تخلي عندنا انسجام وسكينة في الحياة، وهي اللي ممكن تخلي عندنا عكننه وفشل.
