الرئيس السيسي: "أصعب وقت عدى عليا كان 2011 وكنت ببكي على مصر"
قدم الإعلامى إبراهيم فايق، فقرة "إسأل الرئيس" خلال حفل "قادرون باختلاف" بحضور الرئيس عبد الفتاح السيسي.
الرئيس السيسي: "أصعب وقت عدى عليا كان 2011 وكنت ببكي على مصر"
وقال إبراهيم فايق: "سعيد وبتشرف إن أقف قدام سيادتك وسعيد بسعادة الأولاد وبستمد منهم طاقة الأمل، وقد إيه مبسوطين ومتحمسين إن النهاردة يومهم وهيقفوا قدام حضرتك، فخور إن بلدى ورئيس بلدى استطاع يغير فكرة ومسار لحد ما بقى عندنا قادرون باختلاف وتميز كبير".
وقال الرئيس السيسي ردًا على سؤال أحد أبطال "قادرون باختلاف" عن ما هو أصعب وقت مر على الرئيس السيسي في القوات المسلحة؟، ليجيب الرئيس: أكتر حاجة صعبة أنك تحس أن أهلك وناسك ممكن يضيعوا وماتعرفش تعمل حاجة، أصعب وقت عدى عليا كان 2011 وكنت ببكي على مصر، حسيت أن الأمور ممكن تخرج عن السيطرة، والبلد تخش في دوامة من الخراب والدمار.
وسألت الفتاة فرح محمد الكومى عن أمنية الرئيس السيسي في العام الجديد، رد الرئيس السيسي قائلا: "أرحب بيكم كلكم أهلا وسهلا اللى موجودين وبطلب منكم تسألونى أسئلة سهلة.. واللى فى مكانى ده ميتنماش غير كل خير لبلده علشان يقدر يلبلهم ويحقق لهم كل اللى نفسهم فيه.. وعلى المستوى الشخصى مبقاش ليا حاجة شخصية وربنا يعيني ويوفقني".
