قاتل سيدة بورسعيد بمساعدة ابنتها:"كنت بروح لنورهان الشقة باستمرار وعلاقتنا كانت كويسة"

حصل “مصر تايمز” على تفاصيل جديدة  في قضية القاتل الحدث “حسين م ف” المتهم بقتل  داليا الحوشي، والتي تبلغ من العمر 42 عامًا داخل منزلها بحي الفيروز بـ محافظة بورسعيد، بمساعدة ابنتها؛ ويأتي ذلك بالتزامن مع نظر القضية أمام محكمة جنايات الأحداث لعدم بلوغ الطفل 14 عامًا، والتي تم تأجيلها إلى جلسة 15 يناير الجاري.

وكشف "حسين" المتهم بقتل سيدة بورسعيد كيف بدأت علاقتها بـ ابنته المجني عليها وارتكابهما الجريمة قائلاً: اللي حصل إني ساكن في حي الفيروز عماره 138 ونورهان ساكنة في عمارة 141، وإحنا جيران من يجي سنتين، وأنا كنت على طول بشوفها من الشباك بتاع الشقة اللي إحنا قاعدين فيها، وبذات أعجب بها وكنت كل ما اشوفها في الشارع ألمح لها إني بحبها ومعجب بيها، بعد كده حصل بيننا شد وتخانقنا مع بعض عشان أخوها الصغير آدم كان بيلعب كوره وشاط الكورة في ست كبيرة فانا شاورت عليه وقلت هو ده اللي شاط الكورة فيكي ساعتها.

وأضاف قاتل أم عشيقته:"كانت نورهان واقفه في البلكونة عشان هي كانت طالعة لجارتنا ثرية صاحبة أمها، وقالت لي مش هنخلص من الحوارات بتاعتك، بعد كده أمي نزلت وشافتها فضلنا نضحك ونهزر سوا أحنا الثلاثة واديتني رقمها واديتها رقميـ وقالت لي كلمني وكنا على طول بكلمها في التليفون، وبعد كده قلت لها إني بحبها وارتبطنا ببعض، وكانت علاقتنا كويسة، وكنت بخرج معها، ومن الوقت للتاني بقيت بطلع لها الشقة بتاعتها وأهلها وأخواتها مش موجودين، وكنا بنقعد ونتكلم مع بعض وده حصل كذا مرة.

يذكر أن النيابة العامة كانت قد أحالت نورهان خليل قاتلة والدتها بـ محافظة بورسعيد لمحكمة الجنايات، وأحالت حسين فهمي الذي لم يبلغ الـ 15 عامًا إلى محكمة جنايات الأحداث، ووجهت إليهما جريمة قتل السيدة داليا الحوشي التي تبلغ من العمر 40 عامًا عمدًا مع سبق الإصرار.