لقاء الخميسي: بنيجي على نفسنا عشان نبسطكم حبونا شوية

وجهت الفنانة لقاء الخميسي رسالة لجمهورها طالبتهم فيها باحترام آرائها، وظهرت في فيديو عبر خاصية القصص القصيرة في حسابها على “انستجرام” ووجهت رسالتها.

وقالت لقاء الخميسي : رسالة للصحفيين اللي بيحبوا يكتبوا الأخبار عشان التريند وناس تدخل يا تكتب الخبر كامل وصح كما قيل يا متكتبوش وتحترم نفسك.

وتابعت لقاء الخميسي: رقم 2 رجاء من كل الناس اللي بتابع السوشيال ميديا اللي بيحب حد يدخل عنده ويقول كلمتين حلوين أو ليصمت ممكن نختلف في الآراء لكن نتعلم إزاي نحترم الاختلاف نبطل نهين بعض ونبطل نرفض أفكار بعض كل واحد زي ما إتربى واتثقف كل واحد ليه تفاصيله ومعتقداته ممكن اختلف باحترام، ولا يصح أن أهاجم حضرتك حاجة بقت تزهق بصراحة.

أضافت: يا جماعة الممثل بني آدم عنده نفس التفاصيل اللي بتمر بيها عنده مشاكل إحنا بنظهر بس الجانب المشرق إحنا موجودين عشان نفرحكم ونقدملكم حاجة تغير مودكم إحنا بنيجي على نفسنا عشان نبسطكم حبونا شوية وشوفونا بني آدمين عندنا مشاكل مفيش حد في العالم معندوش مشاكل الرحمة حلوة.