تمثال جديد يثير السخرية والاستياء بمركز أبوتيج
لقى منشور صورة تمثال حديث بمركز أبو تيج بمحافظة أسيوط، سخرية كبيرة من المواطنين، وهو لسيدة ووصفه البعض بالسوء والقبح.
تداول رواد مواقع التواصل الإجتماعي فيسبوك، صورة لتمثال لسيدة غير معلومة الملامح، بميدان عام بمركز أبوتيج التابع لمحافظة أسيوط، وعلقوا عليه بصورة ساخرة هزلية، مطلقين عليها جاءت لتنتقم.
وجاءت في التعليقات أغلبها سلبي يصف التمثال بأنه بشع ويجسد شخصية زوجة التمثال السابق جاءت لتنتقم لزوجها، بعد إزالته الأسبوع الماضي.
وقال أحد المواطنين كلاكيت تانى مره عايز اعرف مجلس مدينة أبوتيج مصمم يحط تمثال ليه ماتسيبو المركب من غير تمثال ولا خايفين المركب تتسرق ده التمثال اللى فات كان ارحم من الغوريلا دى، حد يقولنا يا جماعه الغوريلا دى رايحه على فين.
وعلقت مواطنه قائلة انا شايفه أن التخطيط لتجميل مركز أبو تيج من سيئ لأسوأ
هل عندكم ميزانية زياده لإهدار المال العام على تماثيل عبارة عن مسخ.
اعتقد ان ابوتيج هتكون اجمل لما تكون فيه صناديق للقمامة كافيه وتنظيف منطقة مساكن السوق اللى ماشاء الله تعبر عن جمال ابوتيج ونضافتها ،غيرها كتير من الاماكن، ياريت بدل التماثيل دى تشوفو مستوى نضافة الشوارع بأبوتيج الاول وبعدين اعملو تماثيل براحتكم.
اموت واعرف مين اللى فكر فى ففكرة التمثال دى،ماشاء الله نبيه جدا بيفهمها وهى طايره ابوتيج فعلا كانت ناقصها التمثال ده، والنبى ما تحطو تماثيل تانى كفايه علينا كده.
