نجلاء بدر: أرفض مصطلح السينما النظيفة والفن ملوش تصنيف
أكدت الفنانة نجلاء بدر أنها ترفض مصطلح "السينما النظيفة" موضحة أن الفن ليس له تصنيف، مشيرة إلى أنها ليس لديها خطوط حمراء لاختيار الأدوار.
نجلاء بدر: أرفض مصطلح السينما النظيفة والفن ملوش تصنيف
وقالت نجلاء بدر خلال لقائها في برنامج "سبوت لايت" من تقديم شيرين سليمان:" معنديش خطوط حمراء لاختيار الأدوار وأنا أرفض مصطلح السينما النظيفة الفن ملوش تصنيف، سواء سينما أو دراما أو أغاني، أوحتى رسم، معنى كدا أن اللي بيرسم لوحة أو ينحت تمثال هل هنكسر التماثيل في إيطاليا أو التماثيل الفرعونية، الفن مجرد من التسميات، الطبخ فن طالما مش كل الناس بتعرف تعمله وفي روح وإبداع، المكياج فن".
تابعت نجلاء بدر أنها لا يوجد لديها محظورات في الأدوار التي تقدمها قائلة:" لو في مشهد معملوش يبقى الشخصية مش بتاعتي هل أنا عندي محظورات مفكرتش فيها ولغاية دلوقتي لأ باقول أنا عندي طاقة أعمل هذه الشخصية هعملها لقيت مش قادرة أعملها صح يبقى أبعد عنها".
وأضافت نجلاء بدر:" الشخصية هي اللي بتفرض نفسها مش أنا اللي أفرض نفسي دا الفن، الفن ليه أفق واسعة أكتر من اللي الناس بتشوفه، هو مش رسالة، رسالته أنه يسليك أو يحكيلك قصة ينكد عليك أو يفرجك على حاجة حلوة".
