توك شو

حمو بيكا عن ملابسه بفرح هنادي: حاولت تغييرها لكن عمر كمال رفض

نور مسعد

الثلاثاء 01/ديسمبر/2020 - 11:27 م

نفى مغني المهرجانات الشعبية حمو بيكا، أن تكون أرباحه من منصة يوتيوب كبيرة، لافتًا إلى أنه اشترى السيارات التي يمتلكها بالقسط: "الناس فاكرة إن اليوتيوب بينزل كنز ودهب، وده غلط".

وأضاف بيكا، خلال حواره مع الإعلامية ريهام سعيد مقدمة برنامج "صبايا الخير"، عبر شاشة "النهار"، أن أرباحه الشهرية في بداية إطلاق قناته كانت 9 آلاف دولار، لكنها قلت ووصلت إلى ألفي دولار في الشهر بسبب تداعيات جائحة كورونا: "خلاص مفيش، مصر كلها بتغني، إحنا مش معتمدين على يوتيوب وخلاص، لأنه بقى مليان أغاني".

وحول أزمة فرح الفنانين أحمد خالد صالح وهنادي مهنا، وهجوم والد العروس الموسيقار هاني مهنا عليه، قال بيكا: "سمعت كلامه وزعلني، ده غلط، بيقولوا تعليم، هو لو كان فعلا بيعمل بالتعليم عمره ما كان هيعمل كده، لأن التعليم مقلش إنه يتكبر على واحد، هو لما طلع اتكلم عليّ لم يقلل مني، هل الناس حبته؟ اتهاجم، وهنادي محترمة وكويسة، وهي الوحيدة اللي رجعت لنا حقنا، لأننا غنينا بإرادتها، ومأخدناش أي حاجة، كنا رايحين نفرحها، هي بتحب بيكا وعمر وحسن، ولما طلبت لنا رحنا".

وأكد بيكا، أنه كان ينوي تغيير الملابس حمراء اللون التي ظهر بها في حفل الزفاف لكن مطرب المهرجانات الشعبية عمر كمال رفض طلبه، لتسأله مقدمة البرنامج عما إذا كان يشجع النادي الأهلي، ورد بقوله: "أنا اتحاداوي، وعموما أنا مش بعمل حسابي في أي مكان إني أبقى مطقم، ممكن ألبس أي حاجة وأخش أي مكان".