مواطن يحذر من شراء تليفزيونات سمارت من شركة العربي: مدته 4 سنين والتطبيقات هتقفل
حذر مواطن من منتجات توشيبا العربي بعد تعرضه لمشكلة فى جهاز تليفزيون سمارت خاص به ، على حد قوله.
وقال صاحب المشكلة " تحذير ياجماعة من شركة العربي جروب اللي هما صناع الثقه ومعندهمش لي مصداقيه .احنا اشترينا شاشة توشيبا سمارت من اربع سنين فجاه من اسبوع كل التطبيقات علي الشاشه وقفت من جوجل ويوتيوب وحتي التطبيقات الخاصة بالجهاز يعني التليفزيون فقد خاصية السمارت كلمنا خدمة العملاء بعتولنا فني قالنا الجهاز بتاعكو الموديل دا كدا ملوش تحديث للسوفت وير بتاعه وخلاص مش هيبقي سمارت طب الحل ايه لا معندناش حل هو كدا التليفزيون بيشتغل اربع سنين سمارت وشكرا علي كدا طيب كدا انتو نصبتو علينا احنا شارين من مندوبكو فكارفور ومكنش عليه عرض ولا اي حاجه بسعرة العادي ووقف يتكلم ويعظم فالجهاز نص ساعه مقالناش ليه ان الجهاز اخره اربع سنين كنا اشترينا تليفزيون عادي مش سمارت بنص تمن السمارت"
وتابع" اتواصلو معانا تاني وقالو هيبعتو فني تاني والفني كلمنا قبل ميجي قالنا انا قريت التقرير وفعلا الموديل بتاعكو ملوش تحديث طب والحل ايه ياجماعه لا مفيش حل هو كدا طيب المفروض كدا حضرتك تتصرف وتغيرلنا الجهاز ياما تحدث السوفت ويشتغل قال لا انتو برا الضمان ومش هنعملكو حاجه يعني اشتري تليفزيون صلاحيتة اربع سنين وشكرا ع كدا .. توضيح الجهاز موقفش ع التحديث القديم لا التطبيقات وقفت تماما تماما".
