مواطن يحذر من التعامل مع شركة أورانج: بيجبروا العملاء على الباقات الإضافية

حذر مواطن من التعامل مع شركة أورانج ووصفها پإنها اسوأ شركة اتصالات واتهامهم بالتلاعب فى باقات الانترنت لإجبار العملاء على شراء باقات إضافية.

وقال صاحب الشكوي "أسوء شركة بجد ممكن تتعامل معاها في حياتكم كنت مع we و بسبب ان الباقه بتخلص بسرعه قررت للاسف اتعامل مع اورانج كل شهر مشكله غير التانيه اول شهرين تلاته كانوا غالبا بيجرو رجل الزبون الانترنت كويس جدا و الباقه بتفيض و يا سلام عندى جيجات مرحلة و الدنيا زى الفل يا دوبك ٣ شهور لقيت حد بيكلمنى عشان ارفع و عرض و بتاع قلتلها لا دا انا حتى بيفيض عندى جيجات و من يومها نص الشهر ييجي و الباقه شكرا بتخلص و اضطر اضيف باقات اضافيه الشهر اللى فات فصلوا النت عشر ايام و لقيت نفسي متضافلى باقتين و انا اصلا النت فاصل و مشكله عامه يعني بستهلك و انا فاصله و عملت شكاوى اد كده لحد ما شالوها".

وتابع " الشهر ده كالعاده فصل الانترنت عملت باقه اضافيه من الابلكيشن ب 34 و دفعت بالفيزا هوب الأقى اضافي باقه 60 وانا مطالبتهاش وعملت شكوى و اترد عليا بعدها بيوم ان تم مراجعه الشكوى و لا يوجد مبلغ مطلوب سداده عشان اتفاجأ ان المبلغ موجود و اكلمهم يقولى لا دى غلطه موظف بعتلك رساله غلط و احنا هنحاسبه اصلك استخدمتى من أمو 60 و اللى دافعه تمنها guess what مستخدمتهاش و اخبطى دماغك فى الحيط بقى".