"ماتتخدعوش بالبراند".. مواطن يحذر من منتجات نولا بعد عثوره على عفن بالتارت
حذر مواطن من شراء منتجات حلويات نولا، بعد عثوره على عفن داخل تورتة لمنتجات نولا.
وقالت فى تجربته مع حلويات نولا، "نصيحة لاى حد بيشترى من اى ستور كبير ايا كان اسمه يراجع الى بيشتريه لان واضح ان معدش فيه امانة التجربة: بتاريخ ٣ مارس الساعة ٥:١٢ دقيقة تم التعامل مع ستور نولا بمحافظة بورسعيد و شراء التارت نص شيكولاتة ونص فراولة وطبيعى انك لما تشترى من مكان محترم زى ده مش هتراجع وتركز قوى فى تفاصيل الى بتشتريه لان الحاجة بتبقى جوه التلاجة الخاصة بالعرض ومش ظاهر من بعيد تفاصيلها"
وتابع عن تجربته مع حلويات نولا،"روحت البيت حطتها فى الثلاجة و طلعتها وقت المناسبة واذا بينا نتفاجأ بوجود عفن على الفراولة مش على السطح بس لا وتحتها كمان مش ظاهر طبعا المناسبة باظت الاكثر من كده اكلم الفرع يقولى هاتهالى اغيرهالك اصل معنديش دليفرى!وكأن المشكلة بتاعتى لا وكمان بيوجد المبرر ان الحاجة بتجيلهم من بره مش من بورسعيد فى النهاية اتصل بشركة دليفرى تجيلى تاخد التارت وهيرجعلى فلوسها . واكيد ده هيبقى اخر تعامل معاهم الخلاصة خدوا بالكم وركزوا فى كل حاجة ايا كان البراندالى بتشتروا منه ربنا يحفظنا جميعا ".
