تحذيرات من منتجات شركة العربي: "بيضيعوا فلوس الناس ومابقوش مركزين"
حذر عدد من المواطنين من سوء خدمة ومنتجات شركة العربي، وهذه ليس المرة الأولي التي تنتشر فيها شكاوي من شركة العربي.
تحذيرات من منتجات شركة العربي: "بيضيعوا فلوس الناس ومابقوش مركزين"
وقالت صاحبة الشكوي ،" أنا حابه احذركوا من التعامل مع شركه Elaraby Groupخاصه غساله TORNADO with dryer كنت شاريه غساله من كارفور بتاريخ 24 يونيو 2021 وتم التركيب بتاريخ 9 - 10 2021 و قبل السنه ما تخلص بالظبط ب كام يوم الغساله باظت حدث صوت عالى و شميت رائحه حريق الاول اتغير البورده للغسالة على حسب كلام الفنى رقم 1 مع انى وضحت ان فى مشكله فى حله الغساله وبها صوت جامد و بعدها طبعا المشكله متحلتش ".
وتابعت عن شركة العربي،" جالى الفنى رقم 2 قالى يا فندم البورده الجيده اتحرقت و الماتور اتحرق كمان .. و تم تغيرهم اجى اشغل الغساله مش شغال المخفف .. اوضح الكلام ده لقسم الشكاوى يقولى انا ظاهر عندى ان مفيش مشكله فى الغساله و يجى اكتر من زياره لـ 6 فنيين يقوموا بفتح الغساله ويعملوا قياسات و يقولوا الغساله شغاله كويس يا فندم كلمت حمايه المستهلك وعلى اساس ده فى لجنه الجوده جت من العربى 3 اشخاص و على اساس لو اثبت العيب هيغير الغساله وتم فتح الغساله من قبل الفنى وسالنى فى حاجه مقفوله بالجهاز هل بتفرق لما بفتحها قولتلوا معرفش بس هى الشغاله مش شغال بها المخفف خالص للاسف انا مركزتش لانه بعد ولادتى ب اسبوعين وطبعا الغساله اشتغلت غسله واحده فقط ولم اعرف اثبات المشكله بالغساله بسبب الى عملوا الفنى و بعد لما مشيوا باظت ثانى علشان الغساله متتغيرش و يثبت انها سليمه بدون حل المشكلة".
وتابعت عن شركة العربي، "انا فى المشكله دى من شهر 10 /2022 و الى الان المشكله متكرره لغايه اخر فنى رقم 9 و على اساس كلامه ان فى مشكله فى سنسور السخونة . واللى عملوا الفنى السابق شغل الغساله بس غسله واحده بدون حل المشكله الاساسيه . و تم اغلاق الشكوى الاولى تبع حمايه المستهلك علشان تقرير الجوده بتاعه ان الغساله سليم طبعا انا مقدمه شكوى فى الى حصل معايا ده فى العربى علشان ده عيب صناعه وطبعا لما جيت افتح شكوى جديده مع انه نفس المشكله القائمه حمايه المستهلك و العربى بيبلغونى ان كده انا عديت السنه و مينفعش الاستبدال نهائيا كل الى يقدروا يعملوه ان قطعه الغيار تتغير فقط ".
وتابعت " قدمت شكوى بالرقابه الصناعيه حاليا ايضا ..غير طبعا اسلوب كل الاقسام من اول الفنين الى مش عارفين يحددوا مشكله الغساله و فى الغساله الى مكملتش سنه وعلشان الغساله ميتمش استبدالها بيتغير لها 4 غيارات من ضمنهم ماتور والمخفف الى هما اهم حاجه"
