الرئيس السيسي: "هنعمل معرض في سيناء فيه اسم وصورة كل مجرم"
قال الرئيس عبد الفتاح السيسي رئيس الجمهورية، اليوم الخميس إنه يريد من المصريين أن يكونوا أكثر صلابة، لأن بناء دولة واستعادة مكانتها أمر ليس باليسير.
الرئيس السيسي: "هنعمل معرض في سيناء فيه اسم وصورة كل مجرم"
وأكمل الرئيس السيسي: المعركة بدأت معاهم وكان كتير مننا يقول امتى تخلص، وكنا عارفين إنها هتخلص بفضل ربنا، إحنا مش بس هنعمل احفتالية في سيناء، لأ ده أحنا كمان هنعمل معرض للحرب دي، هنوريكم الحاجات اللي بقيت، اللي هم كتير قوي، من سلاح، زخاير، أجهزة اتصال، وكل ما تعنيه من أدوات حرب، الموضوع هناك مكانش بسيط.
وتابع السيسي: الناس متعودة تشوف الحرب اللي هي دبابات وطيارات، زي الحروب التقليدية، بس الحرب دي كانت أكثر شراسة، العدو التقليدي أنت عارفه وبتشوفه، وبتقدر تتعامل معاه، لكن ده مش بنشوفه ومستخبي وسطينا، وبخسة وجبن يهاجمك ويجري، وطبعا الناس موجوعة على ولادها ومستقبل بلادها، المعرض ده هنوريكم صور بالاسم لكل اللي كانوا مجرمين هناك، بالاسم والصورة.
أكد الرئيس عبدالفتاح السيسي، على أن جميع الظروف الصعبة "بتعدي" بفضل الله سبحانه وتعالي، مضيفا: "الحقيقة مش عارف اقرأ الكلمة ولا أقول مشاعرى وإحساسي باليوم ده، عاوز أقول انا من الناس اللى حضرت الأحداث وشافتها وهى بتتعمل وبتتربت بشكل أو بآخر وزى ما انتوا شوفتوا الاحتفال كله وكل البرنامج النهاردة يعكس حاجة واحدة بس إن مهما كانت الصعوبات اللى بتقالبنا والظروف الصعبة اللى بنواجهها بفضل الله الأمور بتعدي".
أضاف الرئيس السيسي خلال احتفالية يوم الشهيد: "فيه تمن كبير قوى اتدفع، والتمن ده فيه أسر.. دايما أقول أنه تكرارى للكلام هو عرفان للأسر اللى موجودة معانا واللى مش موجودة .. ان التمن كبير جدا عندكم وعندنا كلنا .. عند كل المصريين اللى بيشفونا النهاردة بيحسوا قد إيه إن فيه تمن كبير اتدفع علشان البلد تبقا في أمن وسلام.
