سيدة في دعوى خلع : "فرحان بعلاقاته الكتير مع الستات.. وقلعني دهبي"

أقامت زوجة تدعي "ليلى" دعوي خلع ضد زوجها "حليم" أمام محكمة الأسرة بشبرا، مطالبة فيها بالتفريق بينها وبين زوجها لاستحالة المعيشة معه، لتعدد علاقاته النسائية وتباهي زوجها بذلك أمام الناس.

وقالت الزوجة في الدعوى التى حملت رقم 1380 لسنة 2022 أمام محكمة الأسرة، إنها تزوجت منذ عامين وأنها كانت تحب زوجها ببداية الزواج ولكن اكشتفت قيامه بخيانتها أكثر من مرة وكان يوعدها بأن ذلك لن يتكرر مرة أخرى ولكن سرعان ما يفعل ذلك مرة أخرى.

وتابعت "ليلى": أنا عشان بحبه حاولت أعدي كل دا وسكت مرة واتنين رغم أني كنت بشوف صور واسكرينات مقرفة له مع الستات دي بس قولت أحافظ على بيتي وابني " .

وأضافت: "أنا وهو بقينا بنتخانق كتير وطول الوقت في مشاكل وبيتخانق معايا عشان بحكي لأهلي ولكن أنا مبقتش  قادرة أعيش معاه نهائي".

واختتمت الزوجة في دعواها: "أخر مره دي كانت صعبة عليا ووقفت قدامه قولتله مش هقدر أكمل فتعدي عليا بالضرب وبقي بيتكلم ويعلي صوته ويسمع الناس علاقاته الكتير مع الستات وجرحني أوي وطلب مني أقلع الدهب بتاعي وأديهوله ورفضت عشان أضمن حق ابني.. وطلبت الطلاق ورفض وأنا مبقتش قادرة أكمل  خلاص عشان كدا لجأت لمحكمة الأسرة  وأقمت دعوى خلع ضده ".