"تحويشة عمري ضاعت".. مواطن يحذر من التعامل مع شركة سوديك للتطوير العقاري بعدالنصب عليه

حذر مواطن من التعامل مع شركة سوديك للتطوير العقاري بعد النصب عليه وعلى عدد من المواطنين على حد قوله.

وقال صاحب الواقعة مع شركة سوديك،" تحويشة عمري ضاعت مع سوديك..اشتريت شقة كاش في مشروع كارميل في الشيخ زايد بتاريخ 2020 بثمن 3.5 مليون وكان المبلغ دا وقتها 233 الف دولار. وبعد ما استكملت المبلغ بأيام تم وقف العمل بالمشروع تماما، ووقتها بدأوا في اعطائنا وعود كاذبة لمدة سنتين. في الوقت دا عرفنا ان ارض المشروع اتسحبت من سوديك وتم استبدال ارض المشروع بموقع اخر وبدأوا بالفعل البيع فيه. وتوقعنا انهم هينقلونا لشقق مماثلة بالموقع الجديد ولكن المفاجئة انهم في 2023 بعد مماطلة وتهرب من المدعو احمد وحيد مدير التحصيل في الشركة، اتصلوا بنا وقالولنا عقودكم اتفسخت وتعالوا خدوا فلوسكم".

وتابع صاحب الواقعة مع شرحة سوديك،" قلنالهم اننا دافعين كاش وان قيمة فلوسنا قلت النصف لانها اصبحت الان قيمتها اقل من 100 الف دولار وايضا قيمة الشقق اتضاعف.
يعني فلوسنا دي مش هتجيب حاجة!
هل دا لاننا وثقنا في شركة زي سوديك كانت سمعتها طيبة في وقت من الاوقات..فوجئنا في اخر شهور ان الشركة استحوذ عليها شركة اماراتية وان رئيس مجلس ادارتها ماجد شريف استقال من اسابيع لرفضه ظلم السياسات الجديدة وان القائم بأعمال رئيس مجلس الادارة الحالي مهندس ايمن عامر هو من امر بفسخ عقودنا ورافض مقابلتنا او حتى الرد علينا".

وتابع ،" الرد اللي بيتسرب لنا من داخل الشركة ان الادارة الاماراتية هي من امرت بالفسخ وان موقف الفسخ قانوني لان المشروع موقعه تغير.. للاسف اللي هيروح مقر سوديك في الوقت الحالي غالبا هيلاقي اما ناس بتزعق او ناس بتتخانق اوناس بتتصل بالنجدة عشان تثبت حالة، مشهد مؤسف جدا لشركة كانت من افضل شركات التطوير العقاري في مصر.. ازاي مفيش حد يوقف المهزلة دي؟ انا شخصيا ومعايا ضحايا كتير عملنا توكيلات للمحامي الاستاذ طارق العوضي على امل ان تعود لنا حقوقنا".

وقال، نصيحة محدش يثق في نسوديك ونصيحة للملاك الحاليين خدوا بالكم لان الشركة بتنهار واستثمارتكم في عقاراتكم في خطر فعلي. . انا حاسس ان هيجرالي حاجة من الحسرة".