ويجز: أنا بكتب الأغنية زي ما جات في دماغي
كشف مطرب الراب ويجز عن كيفية حفظه لكلمات أغانيه التي يعتبرها البعض صعبة إلى حد ما، مشيرا أن أي جملة تستطيع أن تكون أغنية.
وقال ويجز خلال لقائه في برنامج "الحكاية" مع الإعلامي عمرو أديب: “أنا اللي ببقى كاتب الأغاني اللي بغنيها عشان كدة ببقى حافظها ومش صعبة عليا".
وتابع :"ولما بيعدي وقت بقعد أسمع الأغاني 3 أو أربع مرات عشان أركز وأقولها صح زي ما غنيتها، وأي جملة بشوفها جميلة بكتبها وبعدين أشوفلها قافية، وممكن أكتب الأغنية سطرين وأسيبها شهرين وأرجع أكمل تاني”.
وأضاف:" أنا بكتب زي ما الأغنية ما جات في دماغي، وبتكون متلغبطة زي تفكيرك، وكل ده ممكن يبان في تراك، ولا أشهر أنها تعيب التراك، وإذا وجدتها حلوة مش بغيرها".
وكان شارك مطرب الراب ويجز الفنانة أنغام الغناء في حفل ليلة صوت مصر، المقام ضمن فعاليات موسم الرياض، وبمجرد دخول ويجز على المسرح قام بغناء أغنية البخت، وشاركته أنغام غناء الأغنية وسط تفاعل كبير من الحضور.
