سيدة في دعوي خلع: "شخصيته ضعيفة وصحابه بيقولوله يعمل معايا علاقة إزاي"
أقامت سيدة تدعي "بسنت"، دعوي خلع ضد زوجها "محمد" أمام محكمة الأسرة بشبرا، مطالبة فيها بالتفريق بينها وزوجها لاستحالة المعيشة؛ لأن شخصيته ضعيفة ولا يستمع إلا لأصدقائه.
سيدة في دعوي خلع: "شخصيته ضعيفة وصحابه بيقولوله يعمل معايا علاقة إزاي"
وقالت "بسنت" البالغة من العمر 25 سنة، في الدعوى التي تحمل رقم 1808 لسنة 2022، أن زوجها "محمد" تقدم لخطبتها "صالونات"، ولم تكن تعرفه من قبل ولكن خلال فترة الخطوبة أحبته وتمت الزيجة.
وتابعت: "اتجوزنا وخلال شهر العسل لاحظت أن تليفونه مش بيبطل رن خالص بليل وفي النهاية عرفت أن صحابه بيكلموه وأنا نايمة ويقولوله يعمل معايا علاقة ازاي وبيقولوله يتصرف مع أهلي إزاى عشان ميدخلوش في حياتنا مع أن أهلي في حالهم وكويسين معاه".
وأضافت بأنها شعرت بالضيق عندما قال لها: "صحابي متجوزين من قبلي وبستفاد منهم خليكي في حالك وشكلي هيطلع عندهم حق أنك محتاجة حد يربيكي".
واختتمت الزوجة في دعواها: "الموضوع بالنسبالي بقي صعب انا مكنش ينفع أصبر معاه كل دا ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".
