الرئيس السيسي عن صندوق الزواج: الناس قالت نلحق نجوز العيال قبل ما ياخد مننا فلوس

تحدث الرئيس عبد الفتاح السيسي عن صندوق الزواج، قائلا: "كان تقديري وما تحدثت به عن هذا الصندوق ولقيت بعدها طلبات الزواج كترت جدا قالك ألحق قبل ما السيسي ياخد مننا 30 ألف جنيه.. ماانا متابع بقى.. والكل قالك نجوز العيال قبل ما يحصل كدا".

الرئيس السيسي عن صندوق الزواج: الناس قالت نلحق نجوز العيال قبل ما ياخد مننا فلوس

وأضاف الرئيس السيسي، خلال كلمته إحتفالية المرأة المصرية: "بقالنا 8 أو تسع سنوات كان موضوع الغارمات قضية تشغلني كنا كل شوية نشوف كام عدد الموجودين ويحدث تدخل ويتم الإفراج عنهم.. والغارمات يكون عبارة عن أم راحت تجيب فلوس علشان تشتغل ومعرفتش أو تجهز بنتها ومقدرتش".

وتابع الرئيس عبد الفتاح السيسي: "الدولة الحديثة هي دولة تنظر لكل المشاكل وتعملها أليات حل تكون منظومة عمل وليس وجهات نظر، والدولة تعمل فكرة تحل بها المسألة وأرجو متاخدوش كلامي فى تلك المواضيع على أنها حاجة زيادة عن اللازم".

وقال الرئيس عبد الفتاح السيسي، إن هناك فهم محدود لمعاني الدين الجميلة، متابعا: "وده مش عيب الدين قد ما هو عيب فهمنا.. الدولة معنية بوضع أليات عمل لتحقيق كل الكلام الرائع للمجتمع.. وتتصدي لمشاكل المجتمع وحلها.. وما حدش يقول النقطة دي ما تمش بحثها أو طرحها في المجتمعات القديمة خلال التفكر في الدين.. عمر الدين ما كان مشكلة لناسه.. المشكلة في الفهم والتطبيق".

وأضاف الرئيس السيسي، خلال كلمته في احتفالية تكريم المرأة المصرية والأم المثالية 2023: "هو بالسهل يعني على أي أسرة أن البيت يهدم.. دي مصيبة لوحدها.. تبقي هي لوحدها محتارة تجيب منين وتصرف ازاي وتودي المدارس.. هو المجتمع غالبيته أسر ميسرة ولا الظروف صعبة.. الفكرة كده.. الرقم فيه 40 – 50 مليار جنيه.. لما اتكلمنا مع وزارة التضامن الاجتماعي وقالوا فيه ديون 350 مليون جنيه لبنك ناصر.. ده معناه إيه.. ده دين بغض النظر على مين.. مش الرقم.. ولو الناس حطت مليارين هنحط مليارين.. ولو حطوا 5 مليارات هنحط 5 مليارات.. ده صندوق اجتماعي.. ضمان اجتماعي للأسر والبيوت.. القضية باختصار.

وتابع الرئيس السيسي: "أنا بتكلم من مصارف الدين.. المصارف المالية من حقي أن اتبرع للصندوق ده.. من غير ما يكون حد يجوز.. ده كفيل لمنع حوجة الناس والأسر.. الناس فاهمة الموضوع كله في صدقة لبناء مسجد أو دار أيتام.. وموضوع زي كده.. تحمي مجتمع وتحافظ على صلابته وقوته.. كتير مننا في الفهم للدين والأيان.. الفهم ضيق أوي رغم الحكاية كلها إسعاد الناس".