مصطفى حسنى: هذه الأخطاء فى تربية الأبناء تدمر شخصيتهم
قال الداعية الإسلامي مصطفى حسني، إن هناك أخطاء فى تربية الأبناء يقع فيها الأباء بدون قصد تتسبب فى تدمير شخصيتهم، وفاقدين لقيمتهم الذاتية، لافتا إلى أن أول خطأ مؤذى هو الإهانة، وهنا هناك فرقا بين الإهانة والإذلال والحزم .
وتابع "حسنى" خلال حلقة برنامج رميم، المذاع على فضائية الناس، اليوم الأحد: "ثانى خطأ لو اجتمع مع الإذلال والإهانة، هو الرفض والإهمال، يبقى الولد عاوز يقعد مع أبوه أو أمه يقوله ابعد عنى أنا تعبان عاوز أنام، أو يوعده أنه يأتى له ولا يفعل، فيحس الأبن كده إن الراعى، معندوش وقت له فيطلع صغير قدام نفسه، الإهمال بيكسر ذاتية الأبن ".
واستكمل حسنى: "من أخطر الأخطاء هو المقارنة مع أطفال مثله، ويقول له شايف الولد ده كويس، وأنت مش كويس أنا عاوزك تبقى كويس، مع تراكم المقارنة يقول الأبن لنفسه أنا مش كويس ليه عشان اللى بيحبنى شايفى مش من قيمته، شوف لو لقيت نفسك بتتكلم عن نفسك سلبى أو بتطلب حقوقك بعنف، أو قابل الإهانة من اللى بتحبه، اعرف إن فى خطأ كبير فى تربيتك".
