مواطن يحذر من شركة طلبات: بيوصلوا المنتجات مضروبة مش أصلية
حذر مواطن من الشراء من طلبات مارت بعد تجربته معهم ووصل نسكافيه مضروب له ، دون رد الشركة على شكوته.
وقال صاحب الشكوي،" طلبات مارت Talabat Mart طلبت منهم ٤ علب نسكافيه 3×1 في أوردر يوم ٢٦/٣ (اول صوره) الي بيجي معاهم مج هديه، قلت اكيد مش هيكون مضروب علشان مشفتش علبه معاها مج مضروب قبل كده لما استلمت الطلب بفتح العلب اتأكد من الموجود لقيت 3 علب مضروبين و واحده اصليه، في ساعتها فتحت ticket expired item علشان ده أقرب اختيار لقيتو للموضوع و حطيت صوره علشان توضيح (تاني صوره) هي مش نفس الصوره علشان كنت صورت من الابليكشن الي على الشمال هو المضروب، كلمني واحد هندي من الإمارات تقريبا، شرحتلو الموضوع بصعوبه طبعا علشان افهمو ان دول مضروبين، الراجل مشكورا اعتزر و قال هنحل الموضوع، بعدها بشويه لقيتهم نزلو ليا 101 جنيه refund و 20 جنيه voucher اعتزار بعتلهم ان المشكله في ٣ علب مش علبه واحده و كل شويه نفس الرد، المشكله هتتحل في خلال نص ساعه و مفيش اي حاجه بتحصل".
وتابع عن شركة طلبات مارت ،" بعدها كلمني واحد تاني من الإمارات يوم 27/3 الساعه 11 بليل بيقولي لو سمحت صور العلب و ابعتها في email شرحتلو كزا مره ان صوره العلب مش هتفرق في حاجه علشان دول نفس العلب الاصليه و الي ببين الفرق هو الكيس نفسو، ولا فرق معاه مصمم على صور العلب، بعتهم (صوره رقم 3) و بردو اجري وراهم ز مفيش عندهم غير نفس الرد الي هو القسم المختص شغال على المشكله و كمان نص ساعه هيجلك رد و في الاخر الساعه ٤ الفجر بعتولي ان القسم المختص هيرد عليك في خلال ساعه بال email او في خلال ١٢ ساعه بمكالمة كلموني الساعة 2 الضهر 5 مرات ورا بعض يوم 28/3 و انا كنت نايم لما صحيت لقيت email منهم بيقول ان حاولنا نكلمك بخصوص الحاجات ال expired!! و الصوره مش واضحه عايزين صوره تانيه فا رديت عليهم ان انا مش هصور حاجه تاني و تعالو خدو الحاجه تكون معاكم و رجعولي فلوسي و ده إلى انا عايزه من الاول كلمتني واحده مصريه، قلت الحمد لله اخيرا حد هقدر اتفاهم معاه بس ديه كانت المصيبه، بتكلمني تقولي ان هما حاولو يتواصلو مع طلبات مارت و هم مش بيرودو فى مش هنقدر نعمل حاجه في الطلب علشان من خلالنا الطلب وصل مظبوت!!!
وقال عن طلبات مارت،" يعني ايه الكلام ده؟ ازاي؟ كا الي بسمعه انا اسفه يا فندم بس مش هنقدر نعمل حاجه بخصوص الطلب علشان هم مش بيردو، كب انا مالي ان هم مش بيردو، تكرر نفس الكلمتين، طب عايز supervisor تردد نفس الكلمتين و لما لقيتني مش هقفل حاولت توصل للمارت و رجعت تقلي نفس الكلمتين، بعد ما لعبنا اللعبه ديه 3-4 مرات كده قالتلي انا هبعت email لل manager بتاع المارت يكلم حضرتك في خلال 24-48 ساعه من الاخر لو طلبت من طلبات من اي حته حتا الماركت بتاعهم و حصل مشكله و المكان مردش عليهم هيقولك هارد لك، حظ سعيد المره القادمه انا عارف اخد حقي ازاي و ده تحذير للناس الي بتتعامل مع طلبات، حضرتك بتدفع سعر أعلى و مصاريف خدمه علشان يقولك اخبط دماغك في الحيط ".
