"وصفني بسيد قشطة".. محمد فؤاد يهاجم الناقد الفني طارق الشناوي
هاجم الفنان محمد فؤاد، الناقد الفني طارق الشناوي بعدما وصفه بـ"سيد قشطة" بسبب زيادة وزنه، قائلا" عيب أنت كده مش مؤدب جيل صحفيين إيه اللى بتخرجه ترضا أقول عليك قرد"، متابعا : "هاجمنا من قبل بسبب فيلم إسماعيلية رايح جاي ووصفه بأنه ما يفرزه الطفل بعد الأكل بساعتين".
وأضاف "فؤاد"، خلال حواره مع الإعلامية بسمة وهبة مقدمة برنامج "العرافة"، على قناة "المحور"، وقناة "النهار": "مش فاهم هو متعلم فين، ممكن تسألوا أحمد آدم عنه، وشوفوا هيقولوا ايه؟! كلامه موقفش الفيلم ولا غنائي أو تاريخ محمد فؤاد، أنت اللي وقفت في الهامش يضحكوا عليك".
وتابع: "في فرنسا، تم عرض الفيلم في مركز عربي، وصاحبي قالي إن الفيلم مقفل الشوارع والعربيات واقفة والبوليس بيسلك الشوارع حول الشانزيليزيه لأن الناس واقفة بتتفرج على الفيلم، الناس كانت نايمة في الساحة وقاعدين في الأرض من كل الجنسيات والوطن العربي والفيلم كان مسمع في مصر، ولما رحت هناك كل الناس سقفت لي، وكل الصحفيين اتلموا حواليّ، اما طارق الشناوي فقد نادى عليّ وعامل إنه صحبي وبينادي عليّ، فقلت له تعالى لي، ده كرم ربنا، شوف انت كتبت ايه، ربنا يتولاك، فقالي حبيبي .. هو إنسان غريب، احترم نفسك كفاية كده".
ويعد برنامج «العرافة»، امتدادا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.
