"لو مشيت النادي هيقع".. مرتضى منصور يوجه رسالة نارية لجماهير الزمالك
وجه مرتضى منصور رئيس نادي الزمالك رسالة إلى جماهير القلعة البيضاء قبل مواجهة البنك الاهلي غداً الأحد ضمن منافسات الدوري العام، مؤكدًا أن النادي بصدد التعاقد مع مدرب كبير في الفترة المقبلة، موضحاً أنه لن يعلن عن اسمه أو جنسيته حتي لا يتم "تطفيشه" على حد قوله.
"لو مشيت النادي هيقع".. مرتضى منصور يوجه رسالة نارية لجماهير الزمالك
وطالب مرتضى منصور جماهير نادي الزمالك في تصريحات تلفزيونية بالهدوء وإيقاف حملات الانتقادات الموجهة إلى اللاعبين بسبب تراجع النتائج في الفترة الأخيرة.
وقال مرتضى منصور، "كل لما نتفق مع مدرب يحصل مشكله، المدرب الألماني جه وقعد وجاله تليفون وقالنا النادي محجوز عليه مين قاله، وقال عاوز أخد شرط جزائي العقد كامل، واحد زملكاوي قال لميدو واقف معهم ليه وأنا عارف مين هو".
وأضاف مرتضى منصور، "يا جماهير الزمالك من فضلكم أدونا هدنة، إنت زملكاوي؟ علشان تقول مرتضى منصور تم عزله، طيب ياعم أنا مشيت النادي وقع هتحيب مين لو مشيت هأرجع وأكتسح الإنتخاباتـ بنحاول نشوف مدرب، مش معقول نكلم كل مدرب يعتذر البهوات مشوهين صورتنا، الجهاز المصري بقيادة مدحت عبدالهادي اشتغل واللي مكنش ملتزم من اللعيبه إلتزم خلاص".
وتابع مرتضى منصور في تصريحات تلفزيونية، "الزمالك مش هيقع ولا هينهار، اللي بيحصل لنادي الزمالك بيحصل لأندية كتير في العالم، وكلنا شايفين ليفربول ايه اللي حصله، فيه لجنة فنية مكونة من ميدو وطارق يحيى وإسماعيل يوسف وأحمد عبدالحليم ونجوم كبار، مسؤولة عن اختيار المدرب الجديد، أنا دوري أوفر فلوس، واللجنة دورها تختار المدرب، وهتقيم اللاعيبة في نهاية الموسم".
واستكمل مرتضى منصور، "البعض من جماهير الزمالك سبب في الإخفاقات، كانوا بيرفعوا صور فيريرا في المدرجات ويقولوا متقربش منه وأنا صوري لأ، أنا بس بتهاجم ساعة الخسائر، أي لاعب يتفاعل عبر مواقع التواصل الاجتماعي، سيتم خصم 25 ألف جنيه من مستحقاته يوميًا".
وعن إمكانية عزله من رئاسة الزمالك قال مرتضى منصور: "عايزين كرسي الرئاسة؟ انزلوا الانتخابات.. شروط الترشح على رئاسة الزمالك مجددًا تنطبق على مرتضى منصور، لو مشيت هترشح تاني إيه المشكلة؟".
رضا عبد العال: صفقات الزمالك مضروبة.. وأمير مرتضى لازم يمشي
شن رضا عبد العال نجم الكرة المصرية السابق، هجوماً عنيفاً على لاعبي الفريق الأول لكرة القدم بنادي الزمالك، بعد الخسارة أمام فريق المصري البورسعيدي، ضمن مؤجلات الجولة الـ 22 من الدوري الممتاز، مطالباً في الوقت ذاته برحيل أمير مرتضى.
وقال رضا عبد العال في تصريحات تلفزيونية، "مرتضى منصور قرر تجميد 4 لاعبين، وبقوله لازم تجمد أمير، إذا كنت عايز تكمل في رئاسة نادي الزمالك، يبقى الرئيس التاريخي لنادي الزمالك لو جمد أمير".
وأضاف رضا عبد العال، زعلان على اللى حصل لأن الزمالك كان فرصة عمرة أنه يكمل في حصد البطولات بعد آخر موسمين، لكن العنجهية والمنظرة والقرارات الخاطئة، والصفقات المضروبة والمجاملات اللى في الجهاز واللاعيبة، وتحديدًا اللى منه لله فيريرا، لأن اللى بيحصل حاليا ده توابع ليه".
وتابع "ما يحدث لفريق الزمالك هذا الموسم نتيجة الكوارث التي ارتكبها البرتغالي جوسفالدو فيريرا، وصفقات الزمالك هذا الموسم مضروبـة، ولا أعلم من سبب التعاقد معهم، بدايةً من عمر جابر ونبيل عماد دونجا والسنغالي إبراهيما نداي وغيرهم، كما أن التجديد لأحمد سيد زيزو فجر بركان الغضب داخل غرفة ملابس الفريق".
