رانيا يوسف ترد على محمد مختار: الـ 15 ألف تصرفهم على القطط

هاجمت الفنانة رانيا يوسف طليقها المنتج محمد مختار بعد تصريحاته الأخيرة عن أسباب طلاقهما ومصروفات نجلتيه وتقديم اعتذاره للفنانة نادية الجندي والتي جاءت خلال لقائه فى برنامج "حبر سري"، مشيرة إلى أن لديه مستندات تثبت أنه يرسل لبناته مبلغ 15 ألف جنيه شهريًا لمصاريفهم الخاصة.

رانيا يوسف ترد على محمد مختار: الـ 15 ألف تصرفهم على القطط

كتبت رانيا يوسف على فيديو محمد مختار: "يعني معاك 15 ألف ومعاكش مستندات بفلوس المدارس اللي بتدفعها؟! الـ 15 ألف دول تصرفهم على القطط اللي بتأكلهم في الشارع".

وقال محمد مختار خلال تصريحاته مع الإعلامية أسما إبراهيم في برنامجها حبر سري: "أنا على مدى 5 سنين مردتش على رانيا يوسف ولكن الموضوع زاد، وأنا اديتها كل حاجة أعمل إيه تاني ومعايا مستندات فيها ختمي وبصمتي وحزين إني طالع أقول كدا".

تابع: وهي قالت إني مش بصرف على بناتي، لكن أنا معايا ورق رسمي ومستندات، تثبت أن اللي قالته غلط، وببعت لها شهريًا 15 ألف جنيه أكل وشرب لبناتي، وكمان 800 ألف للتعليم بس.

رانيا يوسف تهاجم المنتج محمد مختار

أكد المنتج محمد مختار، أنه ورانيا يوسف قررا عقب انفصالهما ألا يعودا مرة اخرى ولم يكن طرف واحد منهم هو المصر على عدم العودة، موضحا أن كل ما حدث أنه طالبها بالتريث قبل الطلاق وأصرت وخلال اجراء مراسم الطلاق أمام المأذون كانت تبكي بغزارة.

قال محمد مختار: "خلال وجود المأذون كان في عياط وبكاء وطلعت من أمان جامد وكانت مضيقة مش مبسوطة بعد الطلاق".

وتابع: "أول لما أطلقنا كنا أصحاب جدا لمدة أربع سنين، وهي في الجوازة التانية جالها واحد بعد كل أصحابها اللي حوليها ولعب عليها لحد ما قفشت الحكاية وأثر عليها جامد ومن هنا حصلت المشاكل بينا ومكنتش حابب كده".

يشار إلى أن رانيا يوسف صرحت في وقت سابق، بأن نادية الجندي كانت سبباً في طلاقها من محمد مختار، لأنها كانت تعمل على الوقيعة بينها، حسب ادعائها.

وتحدثت رانيا يوسف فى تصريحات سابقة قالت فيها أنها تتولي المصروفات الخاصة ببناتها، وليس والدهم، موضحة: كان بيدي 1200 جنيه وبيمن على ولاده بيها وبيدفع المبلغ دا شهريًا، وقررت ألجأ للقانون بعد ما تعبت من كتر ما بقوله أنت والد بناتي ومسئول عنهم ولازم تصرف عليهم، وأنا بصرف على بناتي حاليا وفيه فرق إني بطالب الأب أنه يعمل مسئولياته وإني مش عايزة أصرف.