السيسي يعلن إصدار وثيقة جديدة من شهادة "أمان" لتغطية التأمين على العمالة غير المنتظمة

وجه الرئيس عبد الفتاح السيسي، بإصدار وثيقة جديدة من شهادة أمان السابق إصدارها عام 2017 لتغطية التأمين على الحياة وإصابات العمل للعمالة غير المنتظمة.

السيسي يعلن إصدار وثيقة جديدة من شهادة "أمان" لتغطية التأمين على العمالة غير المنتظمة

ووجه الرئيس في كلمته باحتفالية عيد العمل، بالتأكيد على كافة منشآت القطاع الخاص والقطاع العام، وقطاع الأعمال العام، بالالتزام بالنسبة المقررة قانونا وهي 5% لتشغيل الأشخاص ذوي الإعاقة، واستمرار العمل على تنمية مهارتهم ودمجهم في سوق العمل.

الرئيس السيسي: طول ما احنا على قلب رجل واحد محدش يقدر يقرب مننا
 

أكد الرئيس عبدالفتاح السيسي، أنه يتابع مواقع التواصل الاجتماعي والرأي العام، قائلا: "لقيت خلال الأحداث اللي فاتت بقيت فيه ناس بتقول إيه الحكاية الأمور بدأت تقلق وتخوف أكتر، وإحنا هنعمل إيه ؟".

وأضاف الرئيس السيسي، خلال كلمته، اليوم الإثنين، في احتفالية عيد العمال: "هقولها ليكم مش بتتغير مهما كانت التحديات اللي موجودة في مصر أو في المنطقة أو في العالم، طول ما إحنا على قلب رجل واحد محدش يقدر معانا حاجة في كل تطور أو تحدي بتكونوا قلقانين منه وتسألوا تأثيره هيبقى إيه علينا، ولا حاجة مهما حصل من أزمات في العالم طالما إننا متمساكين يبقى ولا فيه أي مشكلة ونقدر نعدي".

وكرم الرئيس عبد الفتاح السيسي، عددا من قدامى العمل النقابي والعاملين المتميزين في أدائهم بمنحهم وسام العمل من الطبقة الأولى، وعددا من قدامى العاملين بوزارة القوى العاملة بمنحهم نوط الامتياز.

السيسي يوجه الحكومة بإضاءة الشوارع الجديدة بكشافات إنارة موفرة للطاقة

وجه الرئيس عبد الفتاح السيسي، الحكومة، بضرورة الاعتماد على الكشافات الجديدة الموفرة للطاقة في الشوارع خلال الفترة القادمة.

وقال السيسي، خلال حضوره احتفالية عيد العمال، اليوم الاثنين: على الأقل في الشوارع الجديدة اللي بنعملها يبقى واخدين قرار ناخد هذه الكشافات لصالح المشاريع الجديدة على الأقل في المرحلة دي، ويبقى عندنا خطة كدولة نعمل إحلال للإضاءة العادية بهذه الكشافات.

وكان صاحب مصنع "فيوتك" للإضاءة الذكية لترشيد الكهرباء، قد قدم شرحا خلال افتتاح الرئيس السيسي عددا من المصانع عبر تقنية الفيديوكونفرانس أوضح من خلاله المنتجات الذكية التي توفرها الدولة في مجال  ترشيد الطاقة فضلا عن خلق فرص عمل من خلال الصناعة الوطنية وتبرع بألف كشاف للمصانع بمحافظة المنوفية، و500 كشاف للمدارس.

جاء ذلك خلال مشاركة الرئيس عبدالفتاح السيسي، اليوم الإثنين، فى احتفالية عيد العمال بشركة الشرقية للسكر بمدينة الصالحية الجديدة بالشرقية، وذلك بمناسبة افتتاح مصنع شركة السكر الجديد، بحضور كبار رجال الدولة والوزراء ورجال الدين.

وأكد الرئيس عبدالفتاح السيسي، استعداد الدولة لمساندة الشركات في زيادة المنتج المحلي في المنتجات المصرية.

وجه الرئيس السيسي خلال احتفالية عيد العمال، حديثه لصاحب شكة "فيوتيك" لصناعة لمبات الليد قائلا: "أنا هدعمك ومستعد أساندك وتخلى المنتج المحلى يزيد عن النسبة اللى ذكرتها وهى 50 أو 60%، وأتمنى أن نصل إلى 90% أو 100%، لأن ده معناه ببساطة ولو إحنا قدرنا نوصل لمكون محلى كامل وشبه كامل للمنتج هايبقا مفيش أعباء علينا وهيشغل ناس وهيشيل عننا أعباء من الدولار.

تابع الرئيس: "المفروض عاملين تخفيف لاستخدام الإضاءة في الشوارع، ولكن في الشوارع الجديدة يبقا واخدين قرار بالتعاقد مع "فيوتك"، ناخد هذه الكشافات لصالح المشروعات الجديدة ويبقا عندنا خطة كدولة لإحلال الإضاءة العادية بالكشافات الجديدة.

أكمل الرئيس: ارفع نسبة المكون المحلى ومستعد ندخل معاك وبهنيك على المصنع وأتمنى لك التوفيق وأشكركم على التبرع ومزيد من العمل وخلي بالك من صحتهم والرياضة بتاعتهم".