تعليق مثير لـ وفاء مكي بعد أن كذبتها ميار الببلاوي مجددا
علقت الفنانة وفاء مكي على تصريحات الإعلامية ميار الببلاوي، التي أدلت بها عبر صفحاتها الرسمية، حيث قالت الأخيرة أن وفاء مكي كاذبة، وأنها من عذبت الخادمتين، متعجبة من دفاع “مكي” عن نفسها حول براءتها.
وقالت مكي بعد أن اتطلعت علي رسالة ميار التي كذبتها فيها وأكدت أنها هي التي عذبت الخادمتين، الله أسمه العدل وحقي عند ربنا.
وقالت وفاء مكي في تصريحات لـ"مصر تايمز"، أمس الأثنين، وهي منهمرة في البكاء:"أنا تعبانة وحالتي النفسية سيئة واتبهدلت بما فيه الكفاية والرأي العام ظلمني وقعدت استغيث بيكوا.. وميار اختفت بعد كل اللي حصل ده واتكلمت كتير وقولت اتقوا الله أنا مظلومة وقولت ربنا هيجبلي حقي لأن اسمه العدل".
تابعت وفاء مكي في تصريحاتها: “ميار جت متأخر بعد كل السنين وقعدت اقول لها ابوس ايدك اظهر أطلعي قولي اي حاجة وكان لسه في مكالمة تليفون بيني وبينها بعد كل ده وسامحتها واكيد ربنا ليه حكمة في كده”.
كانت ميار الببلاوي كتبت منشورًا، عبر حسابها الشخصي بموقع التواصل الاجتماعي فيس بوك، قالت فيه: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.
وتابعت ميار الببلاوي: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.
وأضافت ميار الببلاوي: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.
