سيدة تعثر على دود داخل فراخ ستريبس "كوكي": عيالي تعبانين من يومها
عثرت سيدة على دود داخل منتجات شركة كوكي بعد شرائها فراخ ستريبس كوكي من إحدي الهايبر ماركت ، مما نتج عنه تعبها وتعب أولادها، على حد قولها.
وقالت السيدة،" حسبى الله ونعم الوكيل انا روحت هايبر معروف فى ديرب نجم واشتريت منه طلبات عشان اعمل كريب لولادى ودفعت مبلغ وروحت البيت وعملت الكريب لعيالى وقعدين ياكلو لقينا دود فى قلب قطع فراخ الستريبس بتاعت كوكى اه والله العظيم وعيالى قعدو يرجعو عاوزه حاجه ترضى ربنا وترضينى عشان احنا تعبانين والله من وقتها وكلمنا مدير الهايبر وخلى مسؤوليته".
وتفاعل عدد كبير من المواطنين معها وقالت إحداهما،" كوكي أسوأ حاجة في الدنيا بعد أكل مال اليتيم
حقيقي ربنا يسامحهم على منتجاتهم الغير صالحة للاستهلاك البشري"، وقالت أخري،" الحاجة غالية فما بقتش تتباع زي زمان وصلاحيتها بتنتهي يرموها طبعا لا بيعيدوا تكييسها بتواريخ جديدة للاسف مافيش امانة ولا رقابة".
