حجز بالمصري سحبوا منه بالدولار.. مواطن يحذر من تعاملات بنك CIB
حذر عدد من المواطنين من التعامل مع بنك CIB، موضحين أن البنك يتلاعب بأموال العملاء بشكل كبير ، وقال صاحب مشكلة مع البنك،" الموضوع باختصار انى كنت عايز احجز تذكرة طيران من على موقع الخطوط الجوية البريطانيه دخلت شوفت التذكره و سعرها طالع بالجنيه المصرى و قبل ما احجز التذكره كلمتهم اتأكد انهم هيخصموا الفلوس بالجنيه عشان مينزلش عليا عموله من البنك و فعلا الكول سنتر اكدولى انهم بياخدوا جنيه مصرى.
وتابع عن مشكلته مع بنك CIB ،"حجزت التذكره و فعلا الفلوس اتخصمت بالجنيه. لحد دلوقتي مفيش مشكله بعدها بيومين لقيت ال cib خاصمين منى 10٪ عموله نقد اجنبى كلمتهم فين يا جماعة النقد الاجنبى ده قالولى العمليه دى اتسحبت بالدولار.. كلمت الخطوط البريطانيه يا جماعه انتوا سحبتوا دولار قالولى لا طبعا مصرى و هنبعتلك فاتوره تثبت ده و فعلا بعتولى الفاتوره مفيهاش سنت واحد كله جنيه مصرى و قالولى المشكله من البنك عندك".
وقال " كلمت ال cib مصرين ان العمليه تمت بالدولار قولتلهم طب الناس بعتولى مايثبت انهم سحبوا جنيه ابعتولى انتوا كمان ما يثبت انكم ادتوهم دولار عشان اعرف الغلط عند مين بقالى ١٠ باكلمهم و بابعت ايميلات و باروح لهم الفرع عشان اخد اثبات ان العمليه تمت بالدولار و طبعا مش راضيين يدونى حاجه..كده انا بالنسبه لى ال cib هو الى خد منى 4800 جنيه بدون وجه حق و بيدعى ان العمليه تمت بالدولار بدون تقديم اى اثبات منهم بكده و باعتبرها اتاوه عشان حجزت تذكره طيران".
واستعرض مواطن اخر مشكلته مع بنك CIB، تحذير من التعامل مع CIB Egypt فى التحويلات بالعمله الصعبه...يوم ٢٣ مارس عملت تحويل مبلغ ٥٠ يورو لشركة تأمين داخل مصر من حسابي اللى باليورو عن طريق الابليكيشن بتاعت البنك ، بعدها تم خصم مبلغ ١٠٠ يورو من الحساب. اتصلت بالبنك كان ردهم ان فى ٥٠ يورو مصاريف إدارية..رحت الفرع بعدها اقدم شكوى ان ١٠٠% من المبلغ الأساسي كمصاريف إداريه يعتبر رقم مبالغ فيه وأنهم لازم يبلغوا العملاء بالمصاريف الإدارية قبل ان يتم التحويل عن طريق الابليكيش. كان الرد ان كل دة موجود على الابليكيش وطلبت من المدير يورينى فين مكتوب.
وتابع ،" سألت المدير ليه مش بيكتبوا الحاجات دى سعرها كام؟ حتى لو الارقام دى بتتغير كل يوم زي اسعار العملات، البنك قادر انه يكتبها ولو كل يوم كان ردة انه مايعرفش و محدش يعرف ويعرفوا بعد ما العمليه تتم، وأن المبلغ خرج من البنك ولا يمكن إلغاء العمليه..رد غير منطقي و لا يكفي و لا يليق بمدير بنك محترم.
الملخص ان البنك لا يشارك بالمعلومات اللى هو مجبر قانونا ان يشاركها مع العملاء ويتحايل ببنود غير واضحة هدفها التشتت بدلا من التوضيح..انا كعميل لو عندي كل المعلومات دي قبل ما احول، كنت رحت البنك التاني أودعت المبلغ من غير ما ادفع الضعف مصاريف إدارية، لكن دة مش من مصلحة cib".
