"نار الغيرة".. هاله عمر تنهي علاقة تامر حسني وبسمة بوسيل بعد 12 سنة من العشرة والحب
أصبح اسم الفنان تامر حسني وزوجته الفنانة المغربية بسمة بوسيل حديث السوشيال ميديا خلال الساعات الماضية، وذلك بعد أن قامت زوجته بالهجوم على هاله عمر مسئولة السوشيال ميديا الخاصة بالفنان.
هاله عمر.. أثارت الفنانة المغربية بسمة بوسيل، حالة من الجدل على مواقع التواصل الاجتماعي، بعدما هاجمت مديرة أعمال طليقها الفنان تامر حسني هالة عمر ليلة زفافها.
بسمة بوسيل تهاجم هاله عمر
نشرت بسمة بوسيل عبر خاصية القصص المصورة على موقع تبادل الصور والفيديوهات “انستجرام”، صورة تامر حسني مع مديرة أعماله في زفافها وعلقت "حسبي الله ونعم الوكيل فيكي يا هالة".
وفي منشور أخر: "احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك".
تامر حسني وهاله عمر
جاء ذلك بعد أن نشر تامر حسني فيديو عبر انستجرام من زفاف مديرة أعماله هاله عمر وكتب "لكل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها.
وتابع تامر حسني: لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة.
وأضاف تامر حسني: وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب.
واستكمل تامر: فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله.
واختتم تامر حسني: ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله.
