بسبب لقب صوت مصر.. حقيقة اشتعال أزمة بين شيرين عبد الوهاب وأنغام

كشف إيهاب صالح، مدير أعمال الفنانة شيرين عبد الوهاب، حقيقة خلافها مع أنغام بعد تصريحاتها التلفزيونية الأخيرة.

وكتب إيهاب صالح تغريدة عبر تويتر، جاء فيها:"هام لكل جمهورشيرين وأنغام ، شايف بقالي كذا يوم كلام كتير رايح جاي في قصة الالقاب و مين صوت مصر و معركة كلامية داخلة في منطقة مش لطيفة خالص. أنا الحمد لله علي علاقة قوية ب النجمتين بقالي آكتر من 15 سنة و كل الوسط يعرف ده كويس جدا شيرين بتحب أنغام و بتحترمها من زمان و أنغام طبعا بتبادلها نفس الاحساس".

تابع حديثه:" كل الكلام و الاشاعات العجيبة إن أنغام ورا مشاكل حسابات شيرين علي السوشيال ميديا ده كلام ملوش أي صحة من الأساس و أنا في المطبخ و عارف كويس جدا إيه سبب المشكلة. من حق جمهور كل نجمة يغير و يحب نجمته و يدافع عنها بس طبعا من غير غلط و تجريح عشان إحنا ارقي من كدة. خلاصة الكلام شيرين و أنغام دول #اصوات_مصر و قيمة كبيرة عندنا و في الوطن العربي. استهدوا بالله كدة ".

من جانبه، أثارت الفنانة شيرين عبد الوهاب، حالة من الجدل بعدنا كشفت عن رأيها في صوت الفنانة اليسا، حيث قالت: “بحس إن هي بتغني وهي ماسكة على الناس شيكات”، متابعة أنها تحب وضوحها.

ونشرت إليسا، صورتين الأولى لها وهي تغني والثانية لفتاة ممسكة بشيك، وعلقت: "عندما أغني وعندما تراني شيرين".

وأضافت في تغريدة أخرى :” الأدب لا يباع ولا يشترى بل هو طابع في قلب كل من تربى.. ليس الفقير من فقد الذهب وإنما الفقير من فقد الأخلاق والأدب”