تحذيرات من خدمة فودافون كاش لسحبها أموال العملاء دون علمهم
حذر عدد من المواطنين من خدمة فودافون كاش لسحبها من أموال العملاء دون علمهم على حد قولهم.
وقال أحد أصحاب الواقعة، عندي مشكله مع فودافون وهي ان تم خصم مبلغ من فودافون كاش من حسابي بقاله اكتر من اسبوعين وكل يوم بكلمهم لحد ما دمي اتحرق من كتر الكلام معاهم وعملت شكوى بالموضوع ومعايا رقم الشكوى وكل يوم اكلمهم بعد ما يقعدوني ربع ساعه يراجعو البيانات ويحسبوا الفلوس وفي الاخر نفس الرد انه احنا آسفين و الفلوس هترجعلك في اقرب وقت باذن الله ودي لخبطه سيستم طب امتا يا جماعه الفلوس هترجع يقولولي في اقرب وقت برضو.
وتابع صاحب المشكلة ،" معقول يا جماعه التهريج دا دي فلوس ناس وحسابات ازاي يتم خصم مبلغ من عندي بدون علمي يعني ازاي يعني؟؟؟؟.
وقال صاحب مشكلة أخري مع فودافون كاش،" السلام عليكم شكوتي من شركة فودافون Vodafone Egypt Vodacom شركة فودافون المحترمه خصمت فلوس من فودافون كاش وللأسف المرة دي أكون متابع حسابي ومركز معاه مش عارف دي أول مرة ولا هم بيسرقوا المحافظ كده من زمان أنا منزل هنا علشان إللي ليه فلوس علي الكاش يسحبها".
وتابع صاحب المشكلة، أن يوم الأحد اكتشفت إن في فلوس اتخصمت من حسابي كلمت وخدمه العملاء يوم الإثنين الموافق ٢١-٥ قالولى هنقدم شكوى وهنرد علي حضرتك في خلال يوم تآني يوم الثلاثاء محدش رد عليا رنيت عليهم قالولي الشكوى بتقعد ٤ايام بالكتير ويوم الشكوي كلمتهم اليوم الموافق الجمعه ٢٦ - ٥ قالولي أي الشكوى اتقفلت لأنها طلعت مشكله عاملة وبنعمل علي حلها طب ليه قفلت شكوتي هو كده أسلوب زفت وسرقه واضحه، حسبي الله ونعم الوكيل فيكم.
